Kard.Bo aongoza misa kwa washiriki wa Sinodi:ni Sinodi ya matumaini,amani na haki
Na Angella Rwezaula, - Vatican.
Imani inaangaza nuru kwenye njia kupitia nyakati zenye giza na zenye msukosuko wa maisha, ikituruhusu kuona neema ya Mungu ikipenya kwenye vivuli. Hayo yamesikika kutoka kwa Kardinali Charles Maung Bo wa Yangon, Myanmar, Rais wa Shirikisho la Baraza la Maaskofu wa Asia (FABC)wakati wa mahubiri yake yaliyoakisi Mchakato wa safari ndefu kuelekea Sinodi ya Matumaini, Amani na Haki, wakati wa Misa kwa washiriki wa Sinodi inayoendelea mjini Vatican, Jumatatu tarehe 23 Oktoba 2023 katika Kanisa Kuu la Mtakatifu Petro. Kardinali Bo katika mahubiri yake hakuacha kutoa umakini hasa akilaani kwamba Wakristo wa Myanmar wako katika msafara wa kuhama hama na ambao licha ya kutofikirika, huweka imani na mitazamo yao yakiwa yameelekezwa katika Msalaba.
Kardinali Bo alibainisha kwamba, katika Maandiko, tangu zamani za Adamu na Eva tunaona kwamba ubinadamu umekuwa kwenye utafutaji usiokoma, wa kiroho, ambao una alama ya utafutaji usioyumba wa maana. Hata hivyo, kama tunavyoona kila mara katika maandiko matakatifu, Kadinali Bo alisisitiza, kuwa ujumbe uko wazi kabisa: Mungu kamwe hawaachi watu wake. Ibrahimu, baba wa imani yetu, aliitwa kuingia mahali pasipojulikana, na Mtakatifu Paulo, katika somo la kwanza la Waraka kwa Warumi, anamwakilisha Ibrahimu kama kielelezo. Tunapoanza safari mbalimbali za maisha na imani, mara nyingi tunajikuta hatuna uhakika wa hatima yetu, lakini tunaitwa kujitosa kusikojulikana, tukiongozwa na imani yetu isiyoyumba. Kama vile imani ya Ibrahimu ilimhesabia haki, Rais wa FABC alisisitiza, kuwa sisi pia tunahesabiwa haki kwa imani yetu, tukiamini kwamba Mungu daima hutimiza ahadi zake. Safari yetu ya kisinodi sio hema lililopangwa awali lenye milinganyo isiyobadilika ya hisabati, bali Mungu anapotuita, anakuwa kiongozi wetu, ramani yetu ya barabara, na msindikizaji wetu.”
Kardinali Bo aliakisi jinsi imani inavyoangaza mwanga kwenye njia kupitia nyakati zenye giza na msukosuko wa maisha, ikituwezesha kuona neema ya Mungu ikipenya kwenye vivuli. Kama vile Ibrahimu, alisema Kanisa, limeitwa kuwa na haki, kujumuisha safari ya kisinodi ya imani kwa kusadiki kwamba Mungu hashindwi kamwe. Licha ya mashaka na wasiwasi ambao unaweza kuambatana nasi katika safari hii ndefu, tunaweza kupata msukumo kutoka kwa watu kama Musa, aliyechaguliwa na Mungu kuwa mkombozi na kielelezo kwetu sote. Kwa hiyo kushiriki katika safari hiyo ni baraka yenyewe. Askofu Mkuu wa Yangon alikiri kuwa kuna matarajio makubwa kwa Sinodi, ambayo hufanyika kati ya machafuko ya kimataifa, kama inavyoshuhudiwa katika matukio ya hivi karibuni huko Asia Magharibi na mikoa mingine karibu na dunia hii.
Kardinali Bo alisisitiza kuwa Mungu ana mpango kwa kila mmoja wetu na kwa Kanisa letu, na safari na mipango yetu lazima iendane na mapenzi yake. Licha ya sababu hii ya kupata faraja, hata hivyo alilalamika akirejea ujumbe wa Baba Mtakatifu, kwamba juu ya uchoyo wa mwanadamu ambao tayari umesababisha majeraha makubwa katika sayari yetu na kuwavua mamilioni watu hadhi yao. Papa Francisko, alisisitiza katika hati zake muhimu za hivi karibuni, akitaka upatanisho wa pande tatu ili kuokoa ubinadamu na sayari: upatanisho na Mungu, katika warakawa Evangelii Gaudium (Furaha ya Injili); upatanisho na asili, katika waraka wa Laudato si na Laudate Deum,(Utunzanji wa Mazingira nyumba yetu ya pamoja) na upatanisho kati yao, katika Fratelli Tutti( Kuishi kwa amani kama ndugu).
Kwa mujibu wa Kardinali Bo alisistiza kuwa Safari yetu ya Sinodi inahusu uponyaji na upatanisho wa ulimwengu katika haki na amani huku akisisitiza kwamba, njia pekee ya kumwokoa mwanadamu na kujenga ulimwengu wa matumaini, amani na haki ni kwa sinodi ya watu wote duniani. Katikati ya Sinodi hii, Kardinali Bo aidha alitaja, moja ya wasiwasi wetu mkubwa ni urithi ambao tutaacha kwa kizazi kijacho. Katikati ya Sinodi hii, moja ya maswala yetu makubwa ni urithi gani ambao tutawaachia kizazi kijacho. Mazingira yamekopwa kutoka kwa vijana, na urithi unaostahili kwao, dunia yenye amani zaidi na uadilifu wa uumbaji, uko hatarini. Kardinali Bo alionya,kwamba, ongezeko la joto duniani limeharibu jamii na maisha ya mamilioni, na kutishia kutoroka kutoka kizazi kijacho. Papa Francisko amekuwa akisisitiza mara kwa mara masuala haya na hitaji la haki. Rais wa Mabaraza ya Maaskofu wa Asia alikiri kwamba Maaskofu wa Asia wanafahamu kwa kina uharibifu wa mazingira unaoletwa katika eneo letu kutokana na maafa yanayotokana na tabianchi. Tuna idadi kubwa ya jumuiya za Wakristo wa kiasili, hasa katika Bahari ya Kusini ya China, katikati mwa India. Vietnam, na Myanmar, alieleza, akibainisha, Jumuiya hizi zimekuwa walinzi wa asili, lakini pia wameteseka kutokana na itikadi za kisasa, ukoloni, na unyonyaji wa rasilimali.
FABC inapoadhimisha miaka yake hamsini, tunavuta hisia za ulimwengu kwa uharibifu wa maeneo makubwa ya misitu, mapafu ya sayari yetu katika maeneo haya na kuongezeka kwa unyanyasaji dhidi ya watu hawa wa kiasili. Kardinali Bo alikumbuka jinsi Asia ni mahali pa kuzaliwa kwa dini kuu za ulimwengu, na eneo ambalo ujumbe wa Yesu ulitia mizizi kwa mara ya kwanza. Hata kama Kanisa la Asia limekumbana na changamoto mbalimbali katika historia, alitoa shukrani kwamba bado linachangamka na changa. Alikiri kwamba safari yetu ya imani huko Asia haina matatizo, lakini kusanyiko hili la Sinodi limetupa nguvu ya kurejea siku kuu za uinjilishaji wa Mitume. Tunakumbatia wito kwa Asia kuwa Karne ya 21 kwa Kristo kwa matumaini, ikichochewa na safari ya sinodi ya Kanisa la kimataifa.”
Hakuna mahali popote katika Asia ambapo safari ya imani ya Kikristo ina changamoto zaidi kuliko huko Myanmar, Kardinali wa taifa hilo alieleza. Kundi dogo la Myanmar, Kadinali Bo alilaumu, kwa sasa limetawanyika kutokana na majanga ya asili na majanga yanayosababishwa na binadamu, na kusababisha machafuko ya pande nyingi na mateso makubwa. Watu wetu wako kwenye kuham hama alisema, wakilalamika, Nyumba zimetoweka na makanisa yamebeba mzigo mkubwa wa ukatili, na Njia ya Msalaba ni ukweli chungu katika sehemu nyingi za Asia. Kardinali alisema akiwa amejaa imani, huwekeza katika matumaini ya upatanisho. Kardinali Bo alisema wao wanaendelea na safari ya Sinodi, “wakiamini kwamba, kama wanawake hao, tutaona majeraha yote yakiwa yamepona, na mapambazuko mapya ya matumaini, amani na haki yatatia nuru kila taifa lenye subira, na akasisitiza sala yao kwamba "Kanisa Katoliki, chini ya uongozi wa Baba Mtakatifu Francisko, litaleta familia nzima ya binadamu katika safari ndefu ya uponyaji wa dunia yetu na sayari yetu. Kadinali Bo alihitimisha mahubiri yake kwa kusema kwamba kwa niaba ya watu wa Asia, tunapenda kila mmoja wetu na kila mmoja wenu aendelee na safari yenye baraka na hamasa.”
