Kard.Parolin atashiriki katika uwasilishaji kitabu juu ya Padre Dall'Oglio
Na Angella Rwezaula, - Vatican.
Katika siku ya kumbukumbu ya miaka kumi tangu kutekwa nyara huko Siria kwa Padre Paolo Dall'Oglio, mwanzilishi wa jumuiya ya watawa wa Deir Mar Musa, tukio muhimu litafanyika kuwasilisha kitabu chenye kichwa :“Agano Langu”. Kitabu hicho, chenye utangulizi wa Papa Francisko, kina hotuba za mikutano ambayo hayajachapishwa iliyotolewa na Padre Paolo katika miezi iliyotangulia kufukuzwa kwake kutoka Siria na inapatikana katika maduka yote ya vitabu na kidijitali. Tukio hilo litafanyika Jumamosi tarehe 29 Julai 2023 katika Kanisa la Mtakatifu Ignatius, Roma.
Uwasilishaji wa kitabu hicho utaanza saa kumi na moja jioni na utahitimishwa kwa Ibada ya Misa Takatifu saa Moja jioni itakayoongozwa na Kardinali Pietro Parolin, Katibu wa Vatican, ambaye atakuwapo kwa ajili ya kuenzi kumbukumbu ya watawa na kuhuisha dhamira yake ya amani na mazungumzo. Wakati wa uwasilishaji huo sauti za wazungumzaji wengi zitasikika ambao wamemfahamu Padre Dall'Oglio binafsi. Miongoni mwao ni Padre Jihad Youssef, Mkuu wa jumuiya ya watawa ya Deir Mar Musa; Adib al-Khoury, mkurugenzi wa shirika la uchapishaji la Jumuiya ya Deir Mar Musa; Elena Bolognesi, mhariri na mfasiri wa maandishi na Giovanni Dall'Oglio, kaka wa baba Paolo, ambaye atazungumza kwa niaba ya familia. Usimamizi wa hafla hiyo umekabidhiwa kwa Luigi Maffezzoli, mwandishi wa habari na mhariri wa kitabu.
Kitabu chanye kichwa “Agano Lang” kwa hiyo linawakilisha kazi ya umuhimu na umuhimu mkubwa, ambayo inafichua maono yaliyo wazi kwa upeo mpya wa uekumeni, udugu kati ya wanaume na wanawake na mazungumzo na Uislamu. Mada hizi, zinazopendwa sana na mafundisho ya Papa, aliyetia saini katika utangulizi wa kutabu kwa kutoa mwangwi wa pekee katika tafakari ya Padre Dall'Oglio. Katika dibaji, Papa Francisko anasema kwamba: “hatuna maneno ya kuelezea uchungu huu na hatuwezi kutaja jina na sababu ya chuki ya watesi wake waliowezekana. Hata hivyo, tunajua kile ambacho hangetaka kulaumu kutoweka kwake kwa ajabu na ajabu kwa Uislamu kama hivyo. Mbali na mazungumzo hayo ya shauku ambayo aliamini siku zote kwa lengo la “kuukomboa Uislamu na Waislamu”, kama ilivyoelezwa katika mojawapo ya mameno yake katika Utawala wake. Kuhusiana na jambo hilo Papa anasisitiza, “kuwa Padre Paolo alikuwa wazi sana. Hakuyapuuza matatizo hayo, alisikiliza historia za mateso ya ndugu zake Wakristo wa Kiarabu, Wakopti, Wakaldayo, Wamaroni, wa Waashuri... Lakini alihisi njia ya udugu kama wito maalum wa kazi yake na ile ya jumuiya yake ya watawa”.
Alizaliwa mwaka 1954, Mjesuit tangu 1975, mwaka 1982 aligundua magofu ya monasteri ya kale katika jangwa la Siria: Deir Mar Musa al Habashi (Monasteri ya Mtakatifu Musa Mwabeshi). Miaka miwili baadaye alipewa daraja la Upadre katika Kanisa la Syro-Katoliki, ambalo lina mamlaka juu ya monasteri. Mnamo 1991 uzoefu mpya wa utawa ulianza, wazi kwa ukarimu, uekumeni, utamadunisho katika muktadha wa Kiarabu-Kiislam na mazungumzo na Uislamu. Tangu mwaka 2011, kufuatia maandamano ya ‘Arab Spring’, ambayo pia yanahusisha Siria, alijitolea kwa ajili ya amani na mchakato wa demokrasia polepole. Kwa sababu ya nyadhifa zake, kibali chake cha kuishi kilifutwa na mnamo Juni 2012 alilazimika kuondoka Siria. Mnamo Julai 2013 alifanikiwa kufika Raqqa, kaskazini mwa nchi hiyo inayodhibitiwa na wapinzani wa serikali. Mnamo tarehe 29 Julai alitekwa nyara na tokea wakati huo hapakuwepo na habari zake hadi leo hii.
