Mchakato wa pili wa Kisinodi katika hatua ya bara:Ni maratajio ya uongofu kwa wote!

Na Angella Rwezaula – Vatican.

Mchakato umekamilika hivi karibuni na matarajio ya siku zijazo, ambapo Kardinali Mario Grech, Katibu Mkuu wa Sinodi, aliweka wazi mambo machache ya majibu kwa waandishi wa habari waliokusanyika katika Ofisi ya Vyombo vya Habari  Vatican Alhamisi tarehe 27 Oktoba 2022, wakati wa kuwasilisha Hati kwa ajili ya mchakato wa hatua ya kibara ambapo ni awamu ya pili baada ya kimajimbo ambayo ni njia iliyoanzishwa na Papa Francisko mnamo Oktoba 2021 ambayo itaishia na Mkutano  Mkuu wa maaskofu jijini Vatican mnamo mwaka  2023 na 2024. Kardinali Grech kwa maana hiyo akiwa mbele ya  waandishi  wa habari hao alisema kuwa: “Hatusukumizi ajenda yoyote. Ilikuwa jukumu letu kuwarudishia watu wa Mungu kile tulichokabidhiwa. Mwenzangu, Kardinali Hollerich, aliwahi kusema kwamba: "tuna karatasi nyeupe, hakuna kitu kilichoandikwa juu yake". Kwa maana hiyo wajibu wetu ni kulisindikiza Kanisa ili lifikie wakati wa Sinodi ya Maaskofu. Lakini ikiwa tunataka kutekeleza utume wetu, lazima tusikilize. Na kusikiliza kila mtu bila kumtenga mtu yeyote."

Hati hiyo ambayo ni tunda la sinodi iliyofanyiwa uzoefu na Makanisa ya mabara matano na ya kazi nyingi ya Sekretarieti Kuu ya Sinodi, tume na kikundi cha wataalam waliokusanyika kwa wiki mbili huko Frascati  Roma walikaa ili kuandaa rasimu yake. Ili kuongoza kazi yao dhana ya kurejesha, Kardinali Grech alionesha nia ya kusisitiza, na kuondoa shaka yoyote kwamba walikuwa wameongezwa au kupewa nafasi zaidi kwa mada moja badala ya nyingine. Kwa maana hiyo Hati  hiyo ni urejesho wa uaminifu wa muhtasari uliotumwa na majimbo mbalimbali wakati wa awamu ya kwanza ya  mashauriano. Kwa maana hiyo sughuli ya kikundi cha wataalam iliwekwa alama ya uaminifu wa kiakili na kwamba  hakuna tafakari za kinadharia juu ya sinodi, lakini  ni sauti ya Makanisa iliyochukuliwa.  

Kwa wote hao Katibu Mkuu wa Sinodi alibainisha kwamba ilikuwa mshangao kusikia jinsi, licha ya tofauti ya usikivu, Watu watakatifu wa Mungu walikusanyika katika kuomba kwa upya wa kina ya Kanisa. Mwitikio ulikuwa mpana na shirikishi,  uliosikika kwa waandishi wa habari ambapo pamoja na kardinali Grech pia mtaalimungu Piero Coda, Mjesuiti Giacomo Costa, mtaalam Anna Rowlands, na kuunganishwa kwa mbali kutoka Japan na Kardinali Jean-Claude Hollerich, Mratibu Mkuu  wa Sinodi. Isipokuwa Mabaraza mawili ya Maaskofu ambayo hayakushiriki katika mchakato wa sinodi ambapo kwa upande wa Kardinali Grech alisema "Sijui ni kwa nini, nadhani kuna sababu za makusudi" ,aliongeza  kwamba "maaskofu wote duniani, baadhi baada ya upinzani wa awali au matatizo, wametuma majibu yao. Na kinachoweza kuonekana kutokana na maoni haya ni kwamba katika kila pande duniani kuna njaa ya imani mpya kwa Kanisa, katika uwezo wake wa kutangaza Injili kwa ulimwengu wenye uhitaji mkubwa”.

Kwa upande wa Sr Becquart na Marini walisisitiza kwamba ni Vipindi viwili vya kufanya Kanisa kuwa hai zaidi na shirikishi . Na mivutano ya ndani na hali, hata hivyo, huweka utume  wenyewe wa Kanisa kwenye mtihani mzito. Kwanza kabisa, kashfa ya unyanyasaji kwa upande wa makasisi, kama ilivyooneshwa katika Hati na kama inavyosisitizwa tena na Rowlands, Profesa wa mawazo na mazoezi ya kijamii Katoliki katika Chuo Kikuu cha Durham nchini Uingereza. Katika kurasa 45 za Hati hiyo, inayoripoti sauti kutoka kutoka Makanisa ya Marekani, Bolivia, Lesotho, Nchi Takatifu na mengine mengi, pia kuna mazungumzo ya kutengwa, ukasisi, ubaguzi na kutosikilizana, ambavyo ni vipengele vya mahusiano yetu, uwezo wetu wa umoja wa kweli katika utofauti ambao huzuia kutembea pamoja" alisema profesa huyo. Ni vigumu kurejesha uaminifu na usadikisho ikiwa tutashindwa kuwa kaka  na dada sisi wenyewe, kuponya migawanyiko yetu na mashaka ya pande zote.

Kinacho hitajika ni kupanua nafasi ya hema, ambayo ni picha ya kibiblia inayokumbusha amri ya Bwana kwa watu wa Israeli katika kitabu cha Isaya, ambayo ni dhana inayoongoza katika uandishi wa Hati kwa hatua ya kibara. Wengi wanasema wanahisi kutengwa na hema hilo, kama ilivyooneshwa katika Hati, ambayo pia inaorodhesha aina fulani za vikundi na watu ambao leo hii wanahisi wamefukuzwa au kubaguliwa. Kwa mfano vijana, watu wenye ulemavu, maskini, walioachwa na walioolewa tena, wazazi wasio na wenzi, wanachama wa jumuiya za jinsia moja (LGBTQ.) Na zaidi ya yote wanawake, ambao hawaombi majukumu ya mamlaka, lakini kuwa na utambuzi wa uwepo wao hasa, katika jamii na katika jumuiya ya Kikristo.

"Je, kuna mipaka kwa nani anayeweza kuruhusiwa kuingia kwenye hema hilo? Je, kuna yeyote, hata miongoni mwa Wakatoliki, ambaye anataka pazia hili lisipanuke? Haya ni baadhi ya maswali aliyoulizwa Kardinali Hollerich wakati wa mkutano huo. Askofu mkuu wa Luxemburg  katika kujibu alisema maswali hayo alisema: "Kutakuwa na makundi yatakaa katika hema ambayo hayafurahi sana kwamba baadhi ya watu wako kwenye kona. Lakini katika nafasi hii kila mtu anaalikwa. Watu wote walioumbwa na kupendwa na Mungu. Upendo wetu sio mkubwa kama upendo wa Mungu. Kwa hivyo tusitengeneze ubaguzi. Hata hivyo, tukumbuke kwamba “lazima tumtazame kila mtu kama mtu aliyependwa na Mungu. Kristo alikufa kwa ajili ya kila mtu pale msalabani, hivyo kama siwezi kumpa nafasi mtu huyu hema, nina shida na Mungu.

Naye Padre Costa aliunga mkono kwamba sio suala la kuweka na kutoka. Wengi wanahisi uhamishoni kwa Kanisa, na wale ambao wangependa kuadhimisha Misa na ibada ya awali kwa watu wa jinsia moja.  Maadamu hakuna njia ya kuendelea pamoja, hakuna anayeweza kupumzika kwa urahisi, hata wale walio ndani. Moja ya matunda ya kutembea pamoja ni kutambua jinsi ya kukua kama Kanisa la Sinodi, alisema mjesuit huyo. Kati ya kutikisa kichwa cha wasiwasi ni kuhusu makazi ya watu wote, hasa kwa upande wa jamii zinazopita chini ya maji na ukosoaji wa chaguo la kutumia neno kama utambuzi, lililofafanuliwa na waandishi wa habari kuwa ngumu kuelewa, ilikuwa muhimu katika mkutano wa waandishi wa habari juu ya mada ya wanawake. Wajibu wao na wito wao, hamu yao ya kutambuliwa na kuthaminiwa. Hati inaonyesha rufaa iliyoshirikiwa katika nchi mbalimbali

Kitu cha kushangaza, wazungumzaji walibainisha, kwamba masuala haya yaliyotolewa katika ripoti zote ni mada ya kawaida. Kwa maana hiyo matarajio ni yale ya wongofu mkuu", ambapo Padre Costa alisema kila mara, wanawake wanayo hamu ya kuwa na Kanisa washirika katika kuweza kutekeleza utambuzi wa hadhi kwa maana pana zaidi katika jamii zote ambazo mtu anaishi". Ombi ni kwa Kanisa, kuhakikisha kwamba nusu ya ubinadamu unaheshimiwa na kuthaminiwa. Ushiriki wa wanawake katika Kanisa pia ni changamoto kwa tafakari ya kitaalimungu  aliongeza Kardinali  Grech. "Mwaliko wangu kwa wataalimungu ni kujiweka katika huduma ya Kanisa na watu wa Mungu, ili kuwa mwanga wa Neno la Mungu, mapokeo na tutafute njia nyingine za kila mtu kushiriki". Changamoto ilibainishwa mara moja na Monsinyo Coda, katibu mkuu wa Tume ya Kimataifa ya Kitaalimungu, ambaye alithibitisha kwamba " Taalimungu hadi sasa imeendelezwa kidogo sana na imetoa nafasi kwa sauti hii, kwa sababu imefanywa juu ya yote na wanadamu."