Vatican ikiwa na mataifa madogo kwenye michuano ya Malta!
Na Angella Rwezaula – Vatican.
Kisiwa cha Mediterania, kilichotembelewa na Papa Francisko mwezi Aprili, uliopita Juni 11, 2022 ni mwenyeji wa Mashindano ya Riadha yanayotolewa kwa nchi ndogo za Ulaya. Wanariadha wa Vatican wanashiriki na wawakilishi wawili wa michezo wa Vatican. Idadi ya wanariadha wanaoshiriki michuano ya Malta wanatoka Albania, Andorra, Armenia, Azerbaijan, Cyprus, Georgia, Gibraltar, Iceland, Liechtenstein, Luxembourg, Moldova, Monaco, Montenegro, Macedonia Kaskazini pamoja na San Marino na kutoka Malta yenyewe.
Miongoni mwa washiriki wote pia kuna wanamichezo mashuhuri ambao tayari wamefanya vyema kwenye Michezo ya Olimpiki ya mwisho ya Tokyo. Ikiwa basi tutazingatia kwamba, katika soka, Makedonia ndogo ya Kaskazini imeondoa Italia yenye heshima kutoka kwa Mashindano ya Dunia yajayo huko Qatar, basi tunaelewa kwamba, pamoja na roho ya udugu, ushirikishwaji na amani, ambayo kila mtu anakabiliwa na dhamira hii ya ushindani pia ni ubora mwingi katika suala la ubora na utendaji.
Wanamichezo wawili wanaowakilisha Jiji la Vatican, ni Sara Carnicelli (umri wa miaka 27, binti wa mfanyakazi wa Vatican) na Emiliano Morbidelli (umri wa miaka 44, fundi wa hospitali ya “Bambino Gesù”) na ambao watakimbia mita 5000 na watavaa jezi za rangi ya Vatican.
Siku ilianza kwa maadhimisho ya Misa Takatifu katika Kanisa la Seminari ya Malta, iliyoadhimishwa na Monsinyo Melchor Sanchez de Toca, katibu msaidizi wa Baraza la Kipapa la Utamaduni, ambapo timu ya Papa ni mhusika na mgeni. Wawakilishi wanafamilia wa wanariadha na baadhi na mashabiki walishiriki misa hiyo.
