Covid-19:Kesi mbili mpya mjini Vatican:zaidi ya vipimo 170 vimefanyika!
VATICAN NEWS
Kesi mpya za maambukizi ya covid.19 mjini Vatican zimegunduliwana. Hayo yamethibitishwa na Msemaji mkuu wa vyombo vya habari Vatican, Dk, Matteo Bruni ambaye amethibitisha kuwa katika siku zilizopita katika mantiki ya ukaguzi wa kitengo cha afya katika mji wa Vatican, kufuatia na maelekezo juu ya dharura ya virusi vya corona, ameonekana mtu mwingine mwenye maambukizi ya Covid19. Ni afisa mmoja anayeishi katika Nyumba ya Mtakatifu Marta, ambaye ameonesha dalili na ambaye mara moja amejitenga na hatua zote muhimu zimechukuliwa.
"Kwa sasa hali yake ya kiafya sio mbaya sana, lakini kama tahadhari mtu huyo amelazwa katika hospitali ya Roma chini ya uchunguzi, na kwa mawasiliano ya karibu na viongozi wa Kurugenzi ya Afya na Usafi ". amethibitisha. Kufuatia na ushauri huo hatua zilichukuliwa kulingana na protokali za afya zilizowekwa kwa upande wa sehemu zote mbili kuhusu usafi wa mazingira, yaani mahali pa kazi na makazi ya mhusika aliyeambukizwa na kwa kufuatilia wote ambao amekuwa na mawasiliano katika siku zilizotangulia.
Mamlaka ya afya ilifanya majaribio kwa watu walio karibu na mwenye kuambukizwa na matokeo yalithibitisha kutokuwepo kwa kesi nyingine kati ya wale wanaoishi katika nyumba ya Mtakatifu Marta, na mmoja aliye chanya kati ya wafanyakazi wa makao makuu Vatican ambaye alikuwa anawasiliana karibu na afisa huyo. Aidha Msemaji mkuu wa vyombo vya habari amesema kuwa "Kama tahadadhi hatua sahihi za usafi zimepitishwa na vipimo vipya vimekamilika, kwa jumla zaidi ya wafanyakazi wa vatican 170 wakazi wa yumba hiyo. Vipimo vyote vinaonesha kuwa hasi.
Watu walioathirika na Covid-19hadi sasa kati ya wafanyakazi wa Vatican na raia wa Jiji la Vatican wamefikia 6 kwa sasa. “Ninaweza kudhibitisha , nahitimisha Dk, Bruni kwamba "Baba Mtakatifu hajaambukizwa na wala wahudumu wake wa karibu”.
Kutoka Msemaji mkuu wa vyombo vya habari Vatican amethibitisha kwamba bado wanasubiri tena majibu ya vipimo vilivyofanywa kabla ya kutoa taarifa nyingine zaidi na hali halisi kamili ili tuweze kuwajulisha kulingana na matokeo na hatua zilizochukuliwa" na kwamba "kwa sasa makazi ya Mtakatifu Marta na ofisi za Katibu wa Vatican ziko salama".
