Papa Francisko ameondoka Hungaria:Ametoa shukrani kwa rais kwa ukarimu

Na Angella Rwezaula, - Vatican.

Baba Mtakatifu Francisko aliondoka Hungaria  Dominika tarehe 30 Aprili 203 saa 12.08.  Kwa hiyo ndiyo hitimisho la Ziara yake ya 41 ya kitume, kwa siku tatu alizokaa Budapest, kufanya ratiba yake kama ilivyokuwa imepangwa. Nchini, Hungaria Baba Mtakatifu kama kharifa wa Mtume Petro alitoa hotuba sita, ambapo aliwaimarisha imani kwa  watu waamini watakatifu wa Mungu  wa Hungaria, akiwataka wajenge  amani barani Ulaya inayoitwa kuwa jumuishi na wazi zaidi kwa kila mtu bila kufungwa na itikadi zozote.

Papa akizungumza na Rais wa Hungaria kabla ya kuondoka kurudii Roma

Ni ndege ya Blu A320)  ya Italia, ambayo itatua Fiumicino, baada ya masaa mawili kutoka katika uwanja wa  Ndege wa Kimataifa wa Ferenc Liszt wa mji mkuu.  Kabla ya kuondoka afla ilifanyika ya kuagwa. Akisalimiana na Papa Rais wa Jamhuri Bi Katalin Novák, alizungumza naye kwa dakika chache, kisha akaondoka kuelekea kwenye ndege. Walionekana watu wengi sana waliokuwa wamefika kumuaga kuanzia viongozi wa Kanisa, serikali pamoja na  baadhi ya waamini wa Hungaria.

Papa akipigiwa makofu wakati anaelekea kwenye ndege

Muda mfupi baada ya kuondoka, Baba Mtakatifu Francisko alituma telegramu ya kawaida ya kuaga kwa Rais Novák, ambapo shukrani inaoneshwa kwa mamlaka ya Hungaria na raia kwa mapokezi ya joto na ukarimu mkubwa. Kwa hiyo  Papa, anamwakikishia maombi yake,  na kuliombea taifa baraka za Mwenyezi Mungu kwa umoja, udugu na amani.

Salamu za mwisho na Rais wa Hungaria