Papa na makardinali wapya wamtembelea Papa Benedikto XVI
Na Sr. Angela Rwezaula – Vatican.
Mara baada ya maadhimisho ya kusimikwa kwa makardinali wapya kwenye Kanisa Kuu la Mtakatifu Petro, Jumamosi jioni tarehe 28 Novemba 2020, Baba Mtakatifu Francisko na makardinali wapya 11 waliopo jijini Roma, wamekwenda kumtembelea Papa Mstaafu Benedikto XVI kwenye Kikanisa cha Monasteri ya “Mater Ecclesiae”.
Hivyo ndivyo inavyosomeka taarifa kutoka kwa Msemaji wa vyombo vya habari Vatican kwamba “ katika hali ya upendo makardinali wamejiwakilisha kila mmoja kwa Papa Mstaafu ambaye ameonesha furaha yake kwa kutembelewa nao na baada ya wimbo wa Salve Regina, yaani Salam Malkia, amewabariki kwa Baraka yake. Ziara yao imeitimishwa kabla ya saa 11.00 jioni hivi.
Utamaduni sasa wa ziara ya Monasteri Mater Ecclesiae
Ziara ya Monasteri ya Mater Ecclesiae mjini Vatican sasa imekuwa ya kawaida na kama utamaduniaambao unapyaishwa kuanzia kusimikwa kwa makardinali wapya mnamo 2016. Matukio mawili ya kwanza katika fursa ya mwaka 2014 na 2015, Papa Mstaafu aliweza kushiriki maadhimisho hayo moja kwa moja katika Kanisa Kuu la Mtakatifu Petro. Hata hivyo inakumbukwa kuwa mwaka jana akikutana na makardinali wapya, Papa Mstaafu Benedikto XVI alikuwa amewakumbusha juu ya thamani ya imani kwa Papa.
