Askofu wa Rumbek na vijana wanafika Juba kwa miguu kumpokea Papa

Na Angella Rwezaula; - Vatican.

Katika fursa ya Hija ya Kitume ya Baba Mtakatifu Francisko huko Juba nchini Sudan Kusini, na katika kumkaribisha, vijana na  Askofu  Christian Carlassare watafika jijini Juba wakitembea na miguu kutoka jimbo la Rumbek.  Kauli mbiu ya Hija yao ni " Saafari ya amani". Ilikuwa ni Jumatano asubuhi tarehe 25 Januari 2023 ambapo Askofu wa Jimbo la Rumbek aliamka mapema na vijana  wake kuanza hija yao ya miguu ambayo inadumu kwa siku tisa kamili.

Vijana wa Jimbo la Rumbeki katika hija ya miguu kuelekea Juba

Hapo tunazungumza ni mwendo wa  zaidi ya kilomita mia nne zinazowatenganisha Jimbo la Rumbek na mji mkuu wa Sudan Kusini, bila kuhesabu sehemu ya kupitia ndefu na ngumu ya savanna.  Kwa sababu ya utaratibu waliojipangia wa  kutembea kilomenta Ishirini, au ishirini na tano kwa siku, wakisafiri kwa saa tano au sita, Askofu alisema ni juhudi kubwa lakini ambayo inastahili furaha ya kuweza kumkumbatia Papa wakati atakapofika tarehe 3 Februari 2023 katika nchi yao ambayo ni kwa mara ya kwanza kufika Papa katika taifa changa, ambalo lilipata uhuru mnamo 2011.

Mabango ya kukaribisha viongozi wa kiekumene nchini Sudan Kusini

Kabla ya kuanza safari hiyo, Askofu Carlassare akihojiwa na mwandishi wa habari alikiri jinsi ambavyo mwanzoni, wazo la kuweka na kuunganisha  baadhi ya makundi ya vijana kujiandaa kufika Juba lilikuwa linampa shida kidogo.  Na hii hasa kutokana na ukosefu wa fedha na ugumu wa kutumia vyombo vya usafiri, kwa hiyo Askofu wa Rumbek alijaribu kujinasua na kile alichofikiri kwamba kilibaki kuwa mzaha tu akisema: “basi Twende kwa miguu". Lakini vijana wake walimchukulia kwa uzito. Kwa hiyo Askofu alithibitisha kwamba hakutarajia! Lakini mwisho wake mwaliko huo ulitafsiriwa na vijana kadhaa kutoka katika parokia kumi na sita kama fursa ya kweli ya kutembea pamoja. Wengi wao, kwa sababu ya uhasama baina ya makabila, kwa kawaida hawawezi  hata kukutana kufanya shughuli za kawaida za kiutamaduni pamoja, lakini kumbe katika hali hiyo wataweza kufanya hivyo", alibainisha katika mahojiano hayo.

Vifaa vya na zana za kuvaa wakati wa ujio wa Papa vikiuzwa kwenye maduka huko Sudan Kusini

Hija hiyo imehusisha kupitia hali halisi tisa za maparokia ambapo  Askofu Carlassare na vijana  wake wanapeleka maneno ya amani, upatanisho na ushirika kwa kila Mkristo wanayekutana naye njiani. Askofu vile vile alieleza kwamba wangeweza  kutembea katika saa zenye baridi zaidi za siku na kuutumia mchana kuhuisha jumuiya mahalia. Kwa maana hiyo alisisizita kuwa “itakuwa wakati mzuri wa imani."

Vijana wa Jimbo la Rumbek wameanza hija ya miguu kuanzia tarehe 25 Februari ili wapomkee Papa Francisko huko Juba

Baada ya yote, yote haya yanaweza kuchukuliwa kuwa uwakilishi wa mwepesi wa njia ya upatanisho ambayo Sudan Kusini inaitwa kufanya katika jaribio la kuweka nyuma miaka mingi ya mapigano ya kikabila na ghasia ambazo zinaendelea kumwaga damu taifa hilo. Askofu Carlassare aliweka waziwazi kwamba Kwa kujitolea kwao wanataka kupitisha ujumbe kwamba Papa hakika anafika kuwasisitizia tena  kuwa  lazima wote wawe kitu kimoja, kama sala ya Yesu inavyosema.

Bango kubwa la Picha ya Papa Francisko nchini Sudan Kusini

Ziara ya Baba Mtakatifu pia itakuwa ni hija ya kiekumene, ikizingatiwa kwamba, Papa Fransisko atasindikizwa na Mkuu wa Usharika wa Kianglikana, Askofu Mkuu Justin Welby, na msimamizi wa Mkutano Mkuu wa Kanisa la Scotland, Ian Greenshields. Kwa njia hiyo Askofu Christina alisema: "Mtazamo wa kiekumene ni muhimu sana kwa sababu huko Sudan Kusini kuna uzoefu wa kipekee: Makanisa yote yameunganishwa kweli katika uinjilishaji na hiyo imewafanya kugundua kwamba uinjilishaji wenyewe umewalazimisha kuzungumza juu ya amani, haki na upatanisho.

Ni hija ya amani kwa kutembea na miguu vijana wa Jimbo la Rumbek ili wakutane na Papa Francisko huko Juba

Askofu Carlassare pia alisisitiza kuwa mchakato huo  uliwafanya wawe wamoja katika Baraza la Makanisa la Sudan Kusini na kuzungumza kwa sauti moja na Serikali na katika maeneo ambayo kulikuwa na migogoro. Hapo uekumene kwa usemi wa “kitaalimungu ukawa mwili”. Vurugu hizo, ambazo Askofu Carlassare alikumbana nazo binafsi alipojeruhiwa miguuni kwa risasi chache mnamo  mwezi Aprili 2021 kabla ya kuwekwa wakfu wa askofu wa Rumbek, bado zipo juu ya yote katika eneo la Upper Nile na katika Jimbo la Umoja.

Vijana wa Jimbo la Rumbek wakitembea kuelekea Juba

Kimsingi inabakia katika maeneo ambayo zimekuwa sababu za mzozo wa 2013, uliomalizika rasmi mnamo 2020, lakini ambao bado hazijatatuliwa, na ambapo kuna umaskini, vile vile kuna watu waliohamishwa ambao hawana tena makazi ya kuishi na ambapo rasilimali zipo zimenyonywa bila kubagua, alisisitiza Askofu wa Rumbek. Ziara ya Baba Mtakatifu Francisko iliandaliwa na majimbo yote ya nchi kwa sala ya kudumu na kwa katekesi nyingi zilizolenga kuifanya sura na nafasi ya Ushirika wa Papa kujulikana zaidi ndani ya Kanisa,  lakini pia nje yake. Lakini Je! Papa atapata sura gani ya Kanisa? Kwa jibu la Askofu  Carlassare ambaye amekuwa karibu na idadi ya watu na ambaye ameteseka kutokana na mzozo alijibu kuwa "atakutana na watu rahisi sana.Kanisa lisilo na miundo mikubwa wala taasisi lakini karibu na watu, lililojaa furaha na matumaini".

Vijana wa Jimbo la Rumbek wametembea kuelekea Juba kumpokea Papa