Papa: e keqja e Herodit ekziston akoma, sa masakra të pafajshmëve në botë
R.SH. / Vatikan
“Sa masakra të të pafajshmëve në botë: në kraharorin e nënës, në rrugët e të dëshpëruarve në kërkim të shpresës, në jetën e shumë fëmijëve, fëmijëria e të cilëve është shkatërruar nga lufta. Ata janë të vegjlit e Jezusit sot”.
“Sot, si në kohën e Herodit, komplotet e së keqes, që i kundërvihen dritës hyjnore, lëvizin nën hijen e hipokrizisë dhe fshehjes: sa masakra të armatosura ndodhin në heshtje shurdhuese, pa dijeninë e shumë njerëzve!”. Kështu pohon Papa Françesku në platformën X botuar në faqen @Pontifex, sot në në ditën kur kremtoher përkujtimi i Fëmijve Martirë të Pafajshëm.
Kisha në këtë festë na fton që të kemi guxim e të jemi koherentë: Herodi thoshte se dëshironte ta adhuronte Foshnjën Hyjnore, por në të vërtetë donte ta vriste. Vetëm duke respektuar me koherencë çdo person, në çdo fazë të jetës promovohet paqja. E fëmijët, me pafajësinë e tyre e pasurojnë njerëzimin me mirësi e shpresë dhe, me dhimbjen e tyre na nxisin të bëhemi të gjithë veprimtarë të drejtësisë e të paqes.