Kardinali Silvestrini dhe shpirti i Helsinkit

R.SH. / Vatikan

“Paqja nuk ndërtohet mbi interesa kalimtare, por mbi pasuritë reale dhe të qëndrueshme, të cilat e kanë burimin në vlerat e shpirtit”. Ky, citati që shikojmë në kopertinën e pasme të vëllimit të Lev "Kardinali Silvestrini - dialogu dhe paqja në frymën e Helsinkit", i cili doli të premten, më 20 tetor, në libraritë, 48 vjet pas Marrëveshjeve të nënshkruara në finlandisht, në kryeqytetin, ku liderët evropianë ridizenjuan në mënyrë ideale vlerat paqësore të Kontinentit të vjetër. Vëllimi i jep hapësirë ​​njërit prej protagonistëve të asaj stine, kardinalit Achille Silvestrini, të cilit i kujtohet 100-vjetori i lindjes dhe që, së bashku me kardinalin Agostino Casaroli, ishte një nga mbështetësit  e "Ostpolitikës" së Vatikanit në vitet shtatëdhjetë dhe tetëdhjetë,

Silvestrini, “arkitekti” i paqes

Redaktorët e vëllimit janë Carlo Felice Casula, profesor nderi i historisë bashkëkohore në Universitetin Roma Tre dhe Pietro Sebastiani, ambasador italian në Selinë e Shenjtë nga viti 2017 deri në 2022. Të dy krijuan portretin e kardinalit, që ndërroi jetë në vitin 2019, përmes pesë kontributeve të nënshkruara nga dy kuratorët, Sekretari i Shtetit, Kardinali Pietro Parolin dhe dy politikanë italianë: Gennaro Acquaviva dhe Giuseppe Conte. Në veçanti, këto janë raportet e konferencës së mbajtur në Romë në vitin 2020 për të festuar 45 vjetorin e Marrëveshjeve të Helsinkit.

Nga reflektimet del figura dhe angazhimi i kardinalit Silvestrini, dëshmitar dhe aktor i diplomacisë së Vatikanit për shumë vite dhe protagonist i Aktit Përfundimtar të Helsinkit, ngjarje historike e përcaktuar nga Papa Françesku si burimi i “shpirtit” të paqes, që duhet rizbuluar. Teksti propozon, në një pjesë të dytë, dhjetë dokumente, duke përfshirë fjalimin e kardinalit Claudio Gugerotti, prefekt i Dikasterit për Kishat Orientale dhe fjalimin që mbajti imzot Silvestrini në atë kohë, gjatë takimit në Madrid, më 13 nëntor 1980. Ndër rolet e tij të ndryshme, kardinali Silvestrini, arkitekt i Ostpolitik të Vatikanit, ishte bashkëpunëtor i ngushtë i Sekretarëve të Shtetit Domenico Tardini dhe Amleto Cicognani. Në vitet 1970, si nënsekretar dhe më pas sekretar i Këshillit për Çështjet Publike të Kishës, punoi për çështjet e paqes, të të drejtave të njeriut dhe problemeve të çarmatimit, ndërsa ishte prefekt i Kongregatës për Kishat Orientale deri në vitin 2000.

Çmimi Silvestrini për fituesin e çmimit Nobel, Juan Manuel Santos

Në përkim me daljen e librit sot pasdite, në orën 17.30, në Villa Nazareth do të mbahet një ceremoni solemne me rastin e “Çmimit Ndërkombëtar Achille Silvestrini për dialog dhe paqe”. Fituesi i këtij viti është edhe fituesi i Çmimit Nobel për Paqe si dhe presidenti i nderit i Kolumbisë, Juan Manuel Santos i cili, gjatë një ceremonie që do të përfshijë edhe  mesazhin nga presidenti italian Sergio Mattarella, do të marrë personalisht çmimin: një qeramikë artistike nga Faenza, vepër e mjeshtrit Goffredo Gaeta, me një frazë të kardinalit Silvestrini të gëdhendur mbi të, e njëjta që lexohet në kapakun e librit:

"Paqja nuk ndërtohet mbi interesa kalimtare, por mbi pasuri reale e të qëndrueshme, të cilat e kanë burimin në vlerat e shpirtit”.