Nikaragua, përfaqësuesi i Vatikanit largohet nga vendi
Imzot Marcel Diouf, i ngarkuar me punë i Nunciaturës në Managua, ndodhet në Kosta Rika. Mbyllja e zyrës diplomatike u bë me kërkesë të qeverisë së Nikaraguas
R.SH. / Vatikan
Pardje, më 17 mars, i ngarkuari me punë i Nunciaturës Apostolike në Nikaragua, Imzot Marcel Diouf, u largua nga vendi dhe u transferua në Kosta Rika. Mbyllja e Selisë Diplomatike të Selisë së Shenjtë u bë sipas kërkesës të Qeverisë së Nikaraguas, më datën 10 mars 2023.
Kujdestaria e selisë së Nunciaturës Apostolike dhe objekteve të saj, në përkim me Konventën e Vjenës për Marrëdhëniet Diplomatike, iu besua Republikës Italiane. Para largimit, Kryeipeshkvi Diouf u përshëndet nga përfaqësues diplomatikë të Bashkimit Evropian, Gjermanisë, Francës dhe Italisë, të akredituar në Nikaragua.
19 mars 2023, 15:11
