Ndërroi jetë nunci apostolik, Alain Lebeaupin

R. SH. - Vatikan

Ndërroi jetë dje, më 24 qershor, kryipeshkvi Alain Paul Lebeaupin, nunc apostolik. I lindur në Paris, më 2 mars 1945, studioi në Seminarin Papnor francez të Romës, ku u diplomua në drejtësi kanonike. Më 28 qershor 1975 u shugurua meshtar për dioqezën e Nicës. Më 15 prill 1979 hyri në shërbimin diplomatik të Selisë së Shenjtë. Deri në vitin 1982 punoi në New York, në Misionin e përhershëm pranë Organizatës së Kombeve të Bashkuara.

Më pas shërbeu pranë nunciaturave apostolike të vendeve të ndryshme.    Ndërmjet viteve 1989 e 1998, ndoqi punimet në Organizatën për Sigurimin dhe Bashkëpunimin në Evropë (OSBE) e, nga 27 marsi 1996, u ngarkua me detyrën e nuncit pranë Bashkimit Evropian. Shugurimin ipeshkvnor e pati marrë më 6 janar 1999, në Bazilikën e Vatikanit, nga Gjon Pali II. Njëherësh me të u shuguruan kryeipeshkvijtë Giovanni Battista Re e Francesco Monterisi, sot kardinaj.

Pasi kreu një mori detyrash të rëndësishme pranë OKB-së, më 23 qershor 2012 u emërua nunc apostolik pranë Bashkimit Evropian, ku vijoi të punojë deri më 16 nëntor 2020, kur u largua nga kjo detyrë. Më 27 mars 2021 Papa Françesku e pati emëruar këshilltar në Seksionin për Marrëdhëniet me Shtetet, pranë Sekretarisë së Shtetit.