Selia e Shenjtë në zi për Italinë e për botën
R.SH. - Vatikan
Mesditë zie e flamur në gjysmë-shtizë. Komunat italiane i kujtuan kështu, sot, më 31 mars, viktimat e koronavirusit dhe “nderuan sakrificat e impenjimin e punonjësve të shëndetësisë”. Gjest, me të cilin u bashkua edhe Selia e Shenjtë, e cila e uli flamurin e saj, për të shprehur “afërsinë me viktimat e pandemisë në Itali e në botë, me familjet e tyre e me të gjithë ata, që luftojnë për t’i dhënë fund asaj”, siç lexohet në komunikatën e Sallës vatikanase të Shtypit.
Nisma u organizua nga Shoqata e Komunave Italiane (ANCI), “për t’i përqafuar idealisht të gjithë”, si shenjë “e mbështetjes për njëri-tjetrin, ashtu siç dimë të bëjmë ne kryebashkiakët”, deklaroi kryetari i bashkisë së Barit, Antonio Decaro, president i Anci-t. Kjo “shkëndijë” u ndez nga kryetari i Provincës së Bergamos, Gianfranco Gafforelli, në territorin e tij, por Decaro vendosi ta shtrijë në gjithë Italinë.