Atë Justin Sarmento: do ta lija meshtarinë, po të kuptoja se celibati nuk bën për mua
Atë Justin Sarmento, i vetmi prift indigjen në Sinod, duke marrë pjesë në diskutimet lidhur me mundësinë e martesës së priftërinjve katolikë, nënvizoi: “Do ta lija meshtarinë, po ta kuptoja se celibati nuk bën për mua”.
R. SH. - Vatikan
"Do ta lija meshtarinë, po të kuptoja se çelibati nuk bën për mua”. Kështu u shpreh atë Justino Sarmento Rezende, i vetmi meshtar indigjen i pranishëm në Sinodin e ipeshkvijve për Amazonën, që vijon në Vatikan. Ndonëse në favor të viri probati - apo meshtarëve të martuar - parë si rrugëzgjidhje për mungesën e priftërinjve në zonat e humbura të pyjeve pa fund, prifti brazilian i etnisë Tuyuca, specialist në përshpirtërinë indigjene e në baritorinë e inkulturuar, gjatë njërit nga takimet e përditshme që mbahen në Sinod, i hodhi poshtë, ndonëse jo drejtpëdrejt, pohimet e ipeshkvit austrobrazilian Erwin Krautler, sipas të cilit nuk ka mundësi tjetër e se “popujt indigjenë nuk e kuptojnë celibatin”.
21 tetor 2019, 14:00