Përfundoi takimi C6 për rishikimin dhe modifikim e Kushtetutës Apostolike
R.SH. - Vatikan
"Rileximi" dhe "modifikimi" i draftit të Kushtetutës së re Apostolike, me titullin e përkohshëm "Praedicate evangelium", që mbështetët në kontributet e shumta që kanë mbërritur nga Konferencat e Ipeshkvijve të vendeve të ndryshme, vërejtjet dhe sugjerimet e dikastereve të Kuries romake dhe sugjerimet që kanë ofruar organet e interesuara". Mbi këtë u mbajt në Vatikan mbledhja e 31-të e Këshillit të Kardinalëve, që filloi të martën e kaluar dhe përfundoi sot në orën 12.00. Papa Françesku mori pjesë në punimet e kësaj mbledhje, siç bëri sot në mëngjes, "në përputhje me angazhimet që kishte". Njoftimin e jep Zyra e Shtypit e Selisë së Shenjtë.
Këshilli i Kardinajve
Në seancën tre-ditore morën pjesë kardinajtë Pietro Parolin, Oscar Andrés Rodríguez Maradiaga, Reinhard Marx, Seán Patrick O’Malley, Giuseppe Bertello dhe Oswald Gracias, me sekretarin e Këshillit, Imzot Marcello Semeraro dhe sekretarin e dytë të Këshillit, Monsignor Marco Mellino. Në ditën e hapjes së punimeve, pjesëmarrësit pritën për një vizitë, jashtë programit, Patriarkun Ekumenik të Kostandinopojës, Bartholomeun I, i cili erdhi në Vatikan për të takuar Papën Françesku, një para se të shkonte tek Eparkia arbëreshe e Ungrës, për të marrë pjesë në Junileun e 100-vjetorit të themelimit të kësaj Kishe dioqezane arbëreshe.
Përfundoi rishikimi i parë
Rileximi i parë, "shtesa në fund", ishte një "pasazh dëgjimi dhe reflektimi" - pohon deklarata e Vatikanit - që u përgjigjet udhëzimeve të Papës "në kuptimin e bashkimit dhe të sinodalitetit". Takimi i ardhshëm është caktuar për 2, 3 dhe 4 dhjetor. Po kështu u caktua edhe kalendari i mbledhjeve për vitin 2020. Kushtetuta e re Apostolike do të zëvendësojë Kushtetutën Apostolike "Pastor Bonus" të Shën Gjon Pali II, e cila është fuqi që nga 28 qershor 1988, e përbëhet nga 193 ANene, 2 Adnexum dhe modifikimet e mëvonshme të vendosura nga Papa Benedikti XVI dhe Papa Françesku.