Albano në pritje të vizitës së Papës, të shtunën më 21 shtator
R.SH. - Vatikan
Të shtunën pasdite, më 21 shtator, Papa Françesku do të vizitojë Kishën dioqezane të Albano Laziale, një qytezë në zonën e Castelli Romani, afër Castel Gandolfit, ku, deri para Papës Jorge Mario Bergoglio - ishte rezidenca verore e papëve. Papa Françesku pritet jo vetëm nga komuniteti dioqezan dhe ia i krishterë, por nga të gjithë qytetarët e Albano Laziale. Vizita e Atit të Shenjtë në këtë qytezë pritet me gëzimi e padurim të madh nga të gjithë, është shenjë afërsie e Papës ndaj Kishës vendore e ndaj mbarë komunitetin shoqëror në periferi të Romës.
Mesha dhe takimi me klerin
Ati i Shenjtë Françesku do të niset, nga shtëpia e Shën Martës në Vatikan, në orën 14.30 me drejt Albano-s, ku pritet të mbërrijë në ora 15.15. Në Albano, para Kishës katedrale të Shën Pakracit, Papa do të pritet nga ipeshkvi i dioqezës, imzot Marcello Semeraro dhe nga kryetari i bashkisë Nicola Marini. Pas lutjes e momentit shpirtëror me klerik lokal në Kishën Katedrale, në orën 18:00 Papa do të kremtojë Meshën në Sheshin Piu IX të Albano-s. Pas Meshe rreth orës 20.00 është planifikuar kthehemi i Atit të Shenjtë në Vatikan.
Një datë domethënëse për Papën
Vizita e Papës në Albano Laziale ndërthur përmasën e ngjarjes publike me përmasën personale që lidhët me thirrjen e shenjtë rregulltare e meshtarake të vetë Papës Françeskut. Ipeshkvi i kësaj kishe dioqezane, Imzot Marcello Semeraro, duke e njoftuar vizitën e Papës në Albano, korrikun e kaluar, përmendi një datë të veçantë që e lidhë Papën Bergoglio me këtë vend: "Më 21 shtator të vitit 1953, në festën e Shën Mateut, Ati i Shenjtë Françesku, kujton imzot Semeraro, pati një takimin me një prift, një takim shumë i rëndësishëm për historinë e thirrjes së tij rregulltare e meshtarake”.
Duke kujtuar këtë episod, - tha imzot Semeraro - i propozova Papës Bergoglio që ta rigjallërojë, së bashku me ne, atë takim të tij shpirtëror, e edhe për arsye se takimi, përkon me 21 shtatorin e vitit 2008, kur Benedikti XVI në Katedralen e Shën Pakracit pati bekuar Altarin e Ri të Madh dhe pati inauguruar Katedrën e re Ipeshkëvnore. Që atëherë kjo datë e 21 shtatorit u bë një pikë referimi për të kremtuar përvjetorin e dedikimit të Katedrales sonë dioqezane të Albano-s, e cila, kohëve të fundit, edhe është restauruar".
Gëzimi i Kryetarit të Bashkisë së Albanos, Nicola Marini
Të gjithë jemi të lumtur, kjo vizitë e Papës është një dhuratë tejet e bukur, për qytezën tonë. Kështu u shpreh kryetari i Bashkisë së Albano-s, Nicola Marini, posa mori lajmin e gëzueshëm për komunitetin se Papa Françesku do të jetë në qytezën laziale, më 21 shtator: "Jemi të nderuar dhe të lumtur për mundësinë që kemi të presim Papën Françesku në qytetin tonë. Ishte një emocion shumë i fortë kur e dëgjove njoftimin nga ipeshkvi ynë Imzot Marcello Semeraro, të cilin e falënderojmë për këtë dhuratë kaq të bukur" .