Kisha do të ketë një Shenjtore të re, 14 të Lume e dy të Nderuara
R. SH. - Vatikan
E lumja Margarita Bays, Virgjër e të Tretit Urdhër të Shën Françeskut të Asizit, do të shpallet shenjtore për mrekullinë, kryer përmes lutjeve të saj. E lindur më 8 shtator 1815 në La Pierraz, pranë Friburgut, motra laike zvicerane Margherita Bays, jetoi duke punuar si rrobaqepëse, shtëpiake e katekiste. Kaloi një jetë të thjeshtë, por jo jashtë kësaj bote, duke mbështetur me të gjitha forcat shtypin katolik gjatë Kulturkampf. Po ngjarja, që ia ndryshoi krejtësisht jetën, qe dhurata e plagëve të Krishtit. U shërua mrekullisht nga kanceri në zorrë më 8 dhjetor 1854, pikërisht ndërsa Piu IX shpallte dogmën e Zojës së Papërlyer. Vdiq në Siviriez, më 27 qershor 1879 e u shpall e lume më 1995, me dy rregulltare zvicerane: Maria Teresa Scherer e Maria Bernarda Butler. Pushon në paqe në Kishën e Siviriez, në territorin e Friburgut në Zvicer.
Të Lumet e reja
Do të shpallen të Lume për njohjen e martirizimit, Shërbëtoret e Zotit Maria del Carmen (në shekull: Isabella Lacaba Andía) e 13 Shoqe, Rregulltare të Urdhërit të Françeskaneve Koncepsioniste, të vrara, nga urrejtja për Fenë, në Spanjë, më 1936.
Dy të Nderuara të reja, Shërbëtore të Zotit
Papa njohu edhe virtytet heroike të Shërbëtores së Zotit Anna Kaworek, Bashkëthemeluese e Kongregatës së Motrave të Shën Mikelit Kryeengjëll, vdekur më 1936, si dhe të Shërbëtores së Zotit Maria Soledad Sanjurjo Santos (në shekull, Maria Consolata), Rregulltare e Kongregatës së Shërbëtoreve të Marisë, në ndihmë të të sëmurëve, vdekur më 1973.
