Papa takon kryeministrin e Maqedonisë së Veriut
Ndër audiencat e paradites së sotme, Papa Françesku priti kreun e qeverisë së Republikës së Maqedonisë së Veriut, Dimitar Kovaçevski
R.SH. – Vatikan
Një gjysmë ore audiencë, në të cilën një çerek ore bisedë private. Salla e Shtypit e Vatikanit njofton se paraditen e sotme, Papa Françesku priti në audiencë kryeministrin e Maqedonisë së Veriut, Dimitar Kovaçevski.
Kreu i qeverisë maqedonase, ndër të tjera, i dhuroi Papës një kopje të një pjese të Eulogjisë së Klementit të Ohrit e një rruzare në filigranë me perla të Ohrit. Nga ana e tij, Ati i Shenjtë i dha Mesazhin e Paqes së këtij viti dhe Dokumentin për Vëllazërimin Njerëzor.
23 maj 2022, 13:39
