Audiencat e sotme tё Papёs Françesku
R.SH. - Vatikan
Papa Françesku priti sot paradite nё audiencë:
Ministrin President tё Lanit tё Vestfalisё Veriore tё Republikёs Federale tё Gjermanisë, Armin Laschet, me gruan e tij dhe delegacionin e vendit.
Gjithnjë sot paradite Ati i Shenjtë Bergoglio priti nё audiencë Kardinalin Marc Ouellet, Prefekt i Kongregatës sё Vatikanit pёr Ipeshkvijtë;
Sё fundit Papa priti nё audiencë shkëlqesinë e tij imzot Eduardo Maria Taussing, ipeshkëv i dioqezës sё Argjentinës San Rafael.
Papa Françesku ka emëruar sot presidentin dhe drejtorin e ri tё Zyrës së Punës të Selisё Apostolike. Kёshtu njofton buletini i zyrёs sё shtypit tё Vatikanit. Ata janë respektivisht monsinjor Alejandro W. Bunge, prelat Uditor i Gjykatës Kishtare ‘Rota Romana’ dhe Pasquale Passalacqua, profesor i sё Drejtёs së Punës në Fakultetin Juridik të Universitetit të Cassino-s dhe Lazio Jugor.
Gjithnjë sot Papa ka emëruar përgjegjës tё zyrës pranë Kongregatës së Selisë sё Shenjtë për Kishat Lindore monsinjor Giulio Sembeni, deri tani zyrtar i Sekretarisë së Shtetit tё Vatikanit, Seksionin për Çështje tё përgjithshme. Kёshtu njofton zyra e Shtypit të Selisё sё Shenjtë.