Tweet i Papës kushtuar shërbimit ndaj vëllezërve
R. SH. - Vatikan
“Mirënjohja fisnike e Zotit Atë e vlerëson edhe gjestin më të vogël të dashurisë e të shërbimit, që ia bëjmë vëllezërve. Na e mëson këtë vetë Krishti në#Ungjillinesotëm(Mt 10, 42”)
Kёshtu shkruan Papa Françesku nё njё tweet, sot 28 qershor 2020, botuar nё faqen e internetit @Pontifex.
Flet qartë për vlerën e dashurisë, tweeti i Papës. Është i vetmi thesar që shtohet, duke e ndarë me të tjerët, gjë që e bën njeriun ta ndjejë vetën më pranë Zotit se kurrë!
Ai që, duke ecur në rrugën e jetës, ndezi qoftë edhe një pishtar në orën e errët të tjetrit, nuk ka jetuar kot.
Karakteristikë e gjesteve të dashurisë e të shërbimit është të shikosh gjithnjë përpara, sepse numri i të mirave të bëra në të kaluarën mbetet përherë tepër i vogël, në krahasim me mjerimin e sotëm e të ardhshëm, që duhet lehtësuar e, mundësisht, duhet zhdukur!
Kur e hap dorën, mund të marrësh gjithçka. Kur e mbyll, nuk merr asgjë!
Bamirësia është mbretëresha e virtyteve.
Ku ka dashuri për të afërmin, edhe më i varfri është i pasur! Pa dashurinë e të afërmit, i pasuri është krejt i vobegtë.
Duhet kujtuar se shërbimi ndaj vëllezërve është prani: nuk duhet vetëm të japësh, por edhe të jepesh!
E Shën Pali, në himnin kushtuar dashurisë, na kujton: “Tri janë gjërat që mbeten: “feja, shpresa e dashuria: por më e madhja nga të gjitha, është dashuria”. E edhe shërbimi – na kujton Papa në tweetin e sotëm, botuar nё faqen e internetit @Pontifex.