Françesku kujton përkushtimin e grave dhe rreziqet që po përballojnë

R. SH. - Vatikan

Pas lutjes së Mbretëreshës qiellore, Papa Françesku, pasi kishte kujtuar gratë, dëshmitare të Ngjalljes së Krishtit, u kushtoi një mendim të posaçëm grave, që po i bëjnë ballë koronavirusit, të mbyllura në shtëpitë e tyre. Kujtoi çfarë bëjnë shumë gra në këtë kohë emergjence shëndetësore, duke u kujdesur për të tjerët: gratë mjeke, infermiere, përfaqësuese të forcave të rendit  e  të burgjeve, të impenjuara ndër dyqanet, ku shiten gjërat më të nevojshme për jetesën …. E edhe shumë e shumë nëna e motra të mbyllura në shtëpi  me gjithë familjen, me fëmijët, me pleqtë, me të gjymtuarit. Të lutemi për to - ftoi - Zoti u dhashtë forvcë e guxim për të shkuar gjithnjë përpara!

Mendimi i Françeskut  për vendet e prekura nga pandemia

Papa Françesku u shprehu përsëri afërsinë e tij vendeve të prekura nga koronavirusi, në mënyrë të posaçme Italisë, SHBA-ve, Spanjës, Francës… lista është e gjatë - shtoi! Lutem për gjithë! E mos harroni se “Papa lutet për ju, është gjithnjë pranë jush!”.