Koronavirus: Papa, afër sëmurëve dhe atyre që luftojnë infektimin

R.SH. - Vatikan

Në përfundim të audiencës së përgjithshme, mbajtur sot paradite në Sheshin e Shën Pjetrit në Vatikan, Papa kujtoi të sëmurët nga Koronavirusi dhe punonjësit e shëndetësisë që po bëjnë çmos ta luftuar këtë epidemi kudo:

"Dëshiroj edhe një herë të shpreh afërsinë time ndaj pacientëve Koronavirus dhe punonjësve të shëndetësisë që i kurojnë të sëmurët, si dhe ndaj autoriteteve civile dhe të gjithë atyre që punojnë për të ndihmuar pacientet dhe për të ndalur përhapjen e infektimit” .