Filluan Kreshmët: Papa në procesion, në Aventin
R. SH. - Vatikan
“Duke na ftuar për pendesë, Kreshmët vijnë të na zgjojnë, të na shkundin topitjen, të na shpëtojnë nga rreziku i ecjes përpara për inerci”. Me këto fjalë, shqiptuar në Bazilikën e Shën Sabinës gjatë Meshës të së Mërkurës së Përhime, më 5 mars 2014, Papa Françesku i niste Kreshmët e para si Ipeshkëv i Romës. Fjalë që tingëllojnë gjithnjë aktuale e që na kujtojnë 40 ditët, të cilat u prijnë Pashkëve, ditë lutjeje, agjërimi, lëmoshe.
Ritet kreshmore të kryesuara nga Papa
Kremtimet papnore të së Mërkurës së Përhime do të fillojnë me liturgjinë “stacionale” dhe procesionin pasues, që do të niset nga ora 16.30 nga Shën Anselmi, kryesuar nga Papa Françesku. E Papa do t’i prijë gjatë 300 metrave rrugë, për të arritur tek një bazilikë tjetër e lashtë, ajo e Shën Sabinës, kryevepër paleokristiane mbi Aventin. Këtu, në orën 17,00, Papa do të kremtojë Meshën me ritin e përhimjes,
Me kremtimet e së mërkurës e Përhime, katolikët e mbarë botës nisin kohën pendestare të Kreshmëve.