Lutja e Françeskut për përfundimin e dhunës në Etiopi
R. SH. - Vatikan
Në përfundim të Engjëllit të Tënzot, Papa Françesku shprehu dhimbjen dhe afërsinë personale me të krishterët e Kishës Ortodokse Tewahedo, në Etiopi, viktima të dhunës, si dhe me patrikun Abuna Matthias. Më pas, ftesa për të thënë së bashku FalemiMarinë:
“Jam i pikëlluar për dhunën, viktima të së cilës janë të krishterët e Kishës Ortodokse Tewahedo të Etiopisë. I shpreh afërsinë time kësaj Kishe të dashur si dhe patrikut të saj, vëllait Abuna Matthias e ju kërkoj të lutemi për viktimat e dhunës në këtë tokë”.
Situata në vendin afrikan
Dramatike situata, me çrregullime të shumta gjatë kësaj jave në Oromia, rajon qendror shumë i populluar, në Etiopi.
Sipas lajmeve që lexohen në sitin e revistës së Etërve të Bardhë “Africa”, një prelat i lartë, Melakehiwot Aba Woldeyesus Seifu, në deklaratën për Bbc, njofton se janë vrarë më se 60 besimtarë. Gjithsesi duhet kujtuar se nuk është e lehtë të përcaktohet saktësisht numri i të vdekurve:
“Kisha ortodokse, konfesioni më i madh fetar në Etiopi - lexohet në revistën “Africa” – ka pohuar shumë herë se institucionet dhe besimtarët e saj vihen në shënjestër. Gjë që ndodhi edhe këtë herë”.
Më se 2 milionë të shpërngulur të brendshëm
“Ka shumë mundësi që, në bazë të ndeshjeve, të jenë konfliktet etnike e fetare” - kujton agjencia Reuters – që, sipas Kombeve të Bashkuara, kanë krijuar më se dy milionë të shpërngulur të brendshëm. Varianti, i cili shpjegon se preteksti i shpërthimit të çrregullimeve ishte përgjigjja që i jepej vendimit të autoriteteve lokale për t’i hequr rojën e armatosur gazetarit të njohur të etnisë oromo, nuk është konfirmuar nga autoritetet.
Më 26 tetorin e kaluar Reuters shkruante se një turmë e madhe të rinjsh të të njëjtit grup etnik me gazetarin, protestuan kundër kryeministrit Abiy Ahmed, edhe ai Oromo, duke e akuzuar se i kishte tradhtuar pikërisht për shkak të trajtimit të Jawar-it. "Pati edhe orvatje për të djegur kisha e xhami. E edhe për ta shndërruar protestën në konflikt fetar” - shpjegon komisari i policisë rajonale të Oromiya, Kefyalew Tefer.
