Ngushëllimet e Papës për viktimat e aksidentit ajror në Etiopi.

R. SH. - Vatikan

Sekretari i Shtetit të Vatikanit, kardinali Pietro Parolin, dërgon një telegram ngushëllimi, në emër të Papës, për viktimat e aksidentit ajror, që ndodhi dje, në Etiopi, me pasojë, 157 të vdekur.

Pasi mori lajmin e hidhur të aksidentit ajror të Ethiopina Airlines, që shkaktoi vdekjen e 157 personave - shkruhet në telegram -  Françesku lutet për të vdekurit, nga vende të ndryshme dhe ia porosit shpirtin e tyre mëshirës së Zotit të Gjithëpushtetshëm. Papa u dërgon ngushëllimet më të ndjera familjeve të tyre dhe lutet që Zoti t’u japë forcë të gjithë atyre, që janë në zi, për këtë humbje kaq tragjike.