Papa Françesku priti, në formë private, presidentin e Microsoft
R. SH. - Vatikan
Drejtori i përkohshëm i Sallës vatikanase të Shtypit, Alessandro Gisotti, njofton se Papa priti sot, në formë private, presidentin e Microsoft, Brad Smith, shoqëruar nga Kryetari i Akademisë Papnore për Jetën, imzot Vinçenzo Paglia.
“Gjatë takimit - bën të ditur Gisotti - Smith foli për Inteligjencën artificiale në shërbim të së mirës së përbashkët si dhe për disa veprimtari, që shërbejnë për të sheshuar hendekun dixhital, i cili vazhdon në nivel global. Së fundi, Papa u njoftua edhe se Microsoft, së bashku me Akademinë për Jetën, do të promovojnë një çmim ndërkombëtar mbi “Etikën në Inteligjencën artificiale”. Kjo edhe tema e plenares së Akademisë Papnore për Jetën, në vitin 2020”.
Asambleja e ardhshme e Akademisë Papnore për Jetën do të mbahet më 25 deri më 27 shkurt, në Vatikan, me temë. “Roboetika. Njerëzit, makinat e shëndeti”; ndërsa plenaria e vitit 2020, do të ketë temën, që sapo e kujtuam “Inteligjenca artificiale”.