Papa: përvujtëria dhe butësia e zemrës për të qenë afër njerëzve
R.SH. - Vatikan
"Zemër butë dhe të përvujtë, pranë njerëzve, me dhembshuri, me butësi dhe përdëllim. Ky është qëndrimi i Krishtit të cilin Papa Françesku e kujton sot, në një tweet të ri botuar nga faqen e tij të internetit @ Pontifex.
I krishteri duhet të mësohet ta ruajë zemrën nga “pasionet” e nga “zhurmat” e botës, që të jetë gjithnjë gati për ta pranuar në çdo çast hirin e Zotit. Kështu, qe shprehur Papës Françesku në homelinë e mbajtur gjatë Meshës, kremtuar më 15 qershor 2015 në kapelën e Shtëpisë së Shën Martës, në Vatikan.
I krishteri, pohoi Papa Françesku, duhet të jetë i vetëdijshëm e të punojë, për ta “ruajtur zemrën” të jetë e lirë nga pasionet, e të ketë zemër të përvujtë, zemër të butë. E mos të harrojmë se zemrën e ruan përvujtëria, butësia, kurrë ndeshjet, grindjet, luftërat.
Të ditur e dashamirë
Ruaje zemrën, për të qenë i Zotit, ose, siç kujton Shën Pali, ruaje në trazira, në nevojë, në ankth, në të rrahura, në turbullime, në lodhje, në pagjumësi, në agjërim: “Po gjithë këto janë gjëra të këqija e unë duhet ta ruajë zemrën time, për të pranuar dhuratën pa shpërblim të Zotit? Po! E si t’ia bëj? Me ç’rrugë ta arrij këtë?’ Shën Pali thotë: ‘Me pastërti, me dije, me shpirtmadhësi, me dashamirësi, me frymën e shenjtërisë’. Me përvujtërinë, mirëdashjen, durimin, që i ka sytë vetëm tek Zoti, e zemrën të hapur për Zotin, kur kalon!”.
Ta lëmë Zotin të na bëjë njerëz të thjeshtë, me bindjen se Ai u dëftohet pikërisht zemrave të thjeshta. E t’i lutemi, në këtë orë posaçërisht për të gjithë ata, që e jetojnë në varfëri e në kushtet e vështira të emigrantit, t’u çojë një rreze nga drita e mirësisë së tij, t’ua prekë zemrat, atyre e edhe ne, me atë mirësi që solli mbi botë, përmes Birit të vet, Jezu Krishtit.