Versioni Beta

Cerca

Vatican News

Videomesazh i Papës për udhëtimin apostolik në Irlandë

Në prag të udhëtimit të tij apostolik në Irlandë, të shtunën e të dielën, për Takimin Botëror të Familjeve, Papa dërgon një videomesazh, në të cilin kujton rëndësinë e përgatitjes së të rinjve për të ardhmen.

R.SH. - Vatikan

Takimi Botëror i inkurajoftë familjet të kujtojnë “vendin thelbësor të tyre në jetën e shoqërisë e në ndërtimin e një të ardhmeje më të mirë për të rinjtë”. Kështu pohon Papa Françesku në videomesazhin e publikuar para udhëtimit apostolik në Irlandë - të shtunën, 25 gusht e të dielën, 26 gusht - për Takimin Botëror të Familjeve, që u hap dje në Dublin.

         “Të rinjtë janë e ardhmja! Është shumë e rëndësishme të përgatiten të rinjtë për të ardhmen, të përgatiten sot, në të tashmen, por me rrënjë në të kaluarën: të rinjtë e gjyshërit. Është shumë e rëndësishme”.

Sfida e familjeve

         Takimi IX Botëror i Familjeve në Dublin përbën rast për t’u takuar e për ta mbështetur njëri-tjetrin në plotësimin e misionit të ngarkuar nga Zoti. Me të vërtetë, Papa e di se “familjet, sot, përballojnë shumë sfida, në përpjekjet e tyre për të mishëruar dashurinë besnike, për të rritur fëmijët me vlera të shëndosha e për të qenë tharm mirësie, dashurie e kujdesi të ndërsjelltë në bashkësinë më të gjerë”. Ati i Shenjtë përqafon virtualisht të gjithë irlandezët, duke uruar të shtohet “bashkimi dhe pajtimi ndërmjet gjithë besimtarëve në Krishtin, si shenjë e asaj paqeje të qëndrueshme, e cila është ëndrra e Zotit për krejt familjen njerëzore”.

22 gusht 2018, 13:17