Versioni Beta

Cerca

Vatican News
 Mirupafshim në shtator! Mirupafshim në shtator!  (AFP or licensors)

Ndërpriten, në korrik, Audiencat e përgjithshme të Papës

Ndërprerje e audiencave të përgjithshme të Papës dhe e Meshëve në Shën Martë, me besimtarët, gjatë muajve korrik e gusht. I vetmi takim publik do të jetë lutja e Engjëllit të Tënzot e së dielës. Papa do të shtegtojë në Bari, në korrik; në gusht, do të shkojë në Irlandë.

R. SH. - Vatikan

Ashtu si në vitet e kaluara, audiencat e përgjithshme të së mërkurës do të ndërpriten për gjithë muajin korrik. Do të rifillojnë në gusht, në Sallën Pali VI.

I vetmi takim publik mbetet lutja e Engjëllit të Tënzot e së dielës

Meshët e mëngjesit të Papës me grupe besimtarësh, në Shën Martë, ndërpriten në  korrik e gusht. Rifillojnë në shtator.

Gjatë pushimeve verore parashikohen dy shtegtime të Françeskut: i pari, të shtunë, më 7 korrik, në Bari, për takimin e Papës me Krerët e Kishave dhe të bashkësive të krishtera të Lindjes së Mesme me titull: “Paqja qoftë me ty! Të krishterët, së bashku për Lindjen e Mesme”. I dyti, më 25 e 26 gushtin e ardhshëm. Është shtegtimi apostolik në Irlandë, me rastin e takimit Botëror të Familjeve, që do të mbahet në Dublin.

03 korrik 2018, 14:07