Sekretaria për Komunikimin bëhet Dikaster

R. SH. - Vatikan

Me një reskript, botuar sot në gazetën vatikanase L’Osservatore Romano, Papa Françesku ia ndryshon emrin Sekretarisë për Komunikimin, në Dikasteri për Komunikimin.

Në audiencën e shkurtit të kaluar me Zëvendësin për Punët e Përgjithshme të Sekretarisë së Shtetit, imzot Angelo Becciu, Papa Françesku, si dëgjoi  mendimin e  Këshillit të Kardinajve, vendosi  që Sekretaria për Komunikimin të quhet, tani e tutje, “Dikasteri për Komunikimin”. Reskripti, që u shpall përmes botimit në L’ Osservatore Romano, hyri në fuqi që sot, për t’u botuar, më pas, në Acta Apostolicae Sedis.