Në Lisbonë do të organizohet edhe Festivali i Rinisë, nga 1 deri më 6 gusht

R.SH. / Vatican News

Përveç Ditës Botërore të Rinisë 2023, do të ketë edhe një Festival të Rinisë në Lisbonë. Shfaqje gazmore do të jepen nga data 1 deri më 6 gusht, në më se 100  mjedise të qytetit. Do të ketë më shumë se 480 takime artistike, me 55 vende pjesëmarrëse.

Lajmi u dha në faqen zyrtare të DBR-së, në Lisbonë. “Nisma, pjesë e historisë së Ditës Botërore të Rinisë, përbëhet nga një sërë ngjarjesh kulturore, fetare dhe sportive, të organizuara nga shtegtarët e DBR-së, të cilët do t’u transmetojnë të rinjve nga e gjithë bota, krijimtarinë dhe bujarinë e tyre” - shkruajnë organizatorët.

Festivali i Rinisë, nga 1 deri më 6 gusht

Do të ketë 290 koncerte, 55 takime fetare, 38 leksione, gjashtë grupe vallëzimi, dhjetë shfaqje, dhjetë ekspozita dhe 15 filma. Përveç kësaj, do të ketë edhe hapësirë​​për sport, me JMJ Sports. Objektivi kryesor është t'u ofrohet shtegtarëve nga e gjithë bota përvoja e përbashkët e krishterë dhe takimi ndërmjet kulturave përmes një gjuhe universale: sportit.

Do të jetë një nismë e hapur për të gjithë, edhe nëse nuk është regjistruar për DBR-në Lisbonë 2023. Natyrisht, me pjesëmarrje falas. Edhe muzetë marrin pjesë në DBR-në Lisbonë 2023, duke ofruar hyrje falas ose me kushte të veçanta për shtegtarët dhe vullnetarët e regjistruar për DBR-në Lisbonë 2023. U lutemi të interesuarve për informacione të mëtejshme, të lidhen me: festivaldajuventude@lisboa2023.org