Kisha katolike në Shqipëri kujton 30 vjetorin e vizitës së Gjon Palit II në vend
R.SH. / Vatikan
Kisha Katolike e Shqipërisë shënon 30-vjetorin e vizitës historike të Papës Shën Gjon Palit II në Shqipëri, bërë më 25 prill 1993. Vizita e parë e një Pape në trojet shqiptare u realizua në një periudhë vërtet historike për mbarë popullin shqiptar, në mënyrë të veçantë për komunitetin katolik. Kështu barinjtë e Kishës Katolike të Shqipërisë mblidhen në Shkodër, sot në mbrëmje të 25 prillit për të falënderuar Zotin për këtë moment hiri që i dhuroi 30 vite më parë vendit të shqipeve, në personin e Shën Gjon Palit II. Pas Meshës që kremtohet në Kishën Katedrale të Shkodrës, do të mbahet edhe një koncert me përmasa kombëtare nga kori ‘Musica Nova’. Po më hollësisht të ndjekim njoftimin e zëdhënësit të Kishës Katolike në Shqipëri, dom Mark Pashkja:
30 vjetori i Vizitës së Papa Gjon Pali II.
Kisha katolike në Shqipëri përgatitet të kujtojë një nga datat historike të saj. Bëhet fjalë për 25 prillin, datë e cila do të mbesë e skalitur thellë në memorien e kishës tonë për vetë simboliken, personat dhe domëthënien e saj. Pikërisht 30 vite më parë 25 prill 1993 tokën arbnore do ta vizitonte Shenjtëria e tij Papa Gjon Pali II. Karol Woytila do të bëhëj i pari Papë që do shkelte tokën e Gjergj Kastriotit, në një kohë kur kisha kishte dalë nga persekutimi më i egër komunist në evropën lindore. Pasardhësi i Pjetrit do të vinte në Shipëri për të njohur qëndresen e lavdishme të kësaj kishe, rezistencen e pashoq të bijve e bijave të saj martirë dhe për të ringritur hirarkinë kishtare, me shugurimin e 4 ipeshkvijve që do ti prinin kësaj kishe lokale në sfidat e mijevjeçarit të tretë. Prania e tij dhe ajo e Nanë Terezes në katedralen e Shkodres, ishte demostrim i lidhjes së hershme dhe besnikërisë unikale të katolikëve të Shipërisë ndaj kishës universale dhe katedres së Pjetrit.
Në 30 vjetorin e kësaj vizite, barinjtë e Kishës Katolike do të mblidhen në Shkodër mbrëmjen e 25 prillit për të falenderuar Zotin për këtë moment hiri që i dhuroi 30 vite më parë vendit tonë, në personin e Shën Gjon Palit të dytë. Pas meshe në ambientet e katedrales do të mbahet një koncert me përmasa kombëtare i korit Musica Nova nën drejtimin e maestro Harlen Nikolli.
Me 26 prill mbarë hirarkia kishtare sëbashku me nuncin apostolik do të bashkohen në shenjtëroren e Zojës së Këshillit të Mirë, guri i parë i së cilës u bekua 30 vite më parë nga Ati i Shenjtë. Meshën pontifikale që përkon edhe me festen e Zojës së Këshillit të Mirë, Pajtorës së Shqipëris do ta udhëheq Sh.T.Imzot Angelo Massafra Arqipeshkëv i Shkodrës dhe njëkohsisht President i Konferencës Ipeshkvnore të Shqipërisë. Po atë ditë, në mbrëmje do të zhvillohet edhe binjakëzimi me Shenjtëroren e Genazzanos, vend kaq i dashur dhe emblematik për mbarë popullin shqiptarë. Janë një seri eventesh, nëpërmjet të cilave Kisha katolike përgatitet të kujtojë dhe kremtojë këtë datë të shënuar për histrinë e kishës në shqipëri dhe jo vetem. Në nivel shtetërorë do të ketë organizime të ndryshme, të karakterit kulturorë dhe jo vetem, për të përkujtuar këtë vizitë.
Dom Mark Pashkja
Zëdhënes i Kishës Katolike në Shqipëri.
