Imzot Massafra u uron myslimanëve Bajramin

R.SH. - Vatikan

Festat e kremtuara nga besimtarët e feve të ndryshme në Shqipëri shndërrohen shpesh në raste për t’u afruar më shumë me njëri-tjetrin, duke respektuar traditën shqiptare të vëllazërimit pavarësisht nga besimi fetar, siç pati vënë në dukje edhe Papa Françesku gjatë vizitës së tij në Shqipëri, në vitin 2014. Sot, në festën e Fitër Bajramit apo të Bajramit të Madh, edhe kryeipeshkvi metropolit i Shkodër-Pultit, imzot Angelo Massafra u uron festën myslimanëve të qytetit, si edhe vë në dukje se të gjithë shqiptarët jetojnë së bashku, duke ndihmuar njëri-tjetrin. Ta dëgjojmë…