Imzot Angelo Massafra kremton 25 vjetorin e shugurimit ipeshkvnor
R.SH. - Vatikan
Më 6 janar 2022, imzot Angelo Massafra shënon, më 6 janar, 25 vjetorin e shugurimit të tij ipeshkëvnor me pjesëmarrjen në Meshën e Papës Françesku në Bazilikën e Shën Pjetrit në Vatikan, në solemnitetin e Dëftimit të Zotit.
Po kujtojmë se Imzot Angelo Massafra është shuguruar ipeshkëv pikërisht në Bazilikën e Shën Pjetrit në Vatikan më datën 6 janar të vitit 1997, nga Papa Shën Gjon Pali II, gjatë Meshës së solemnitetit të Dëftimit të Zotit, së bashku me disa ipeshkvij tjerë nga vendet e ndryshme të botës, e së bashku edhe me ipeshkvin tjetër shqiptar Imzot Hil Kabashin. Pra, më 6 janar 1997 Papa Shën Gjon Pali II shuguroi dy ipeshkvij për Kishën katolike në Shqipëri.
Në mikrofonin e Radio Vatikanit – Vatican News, imzot Angelo Massafra nё bisedё me dom David Gjugjën rrëfen këtë periudhë 25 vjeçare si ipeshkëv dhe si misionar françeskan në Shqipëri, si dhe flet për Kishën e vendit dje e sot. Ta dëgjojmë, kryeipeshkvin e Shkodër-Pultit e Presidentin e Konferencёs Ipeshkvnore Katolike tё Shqipёrisё:
