Karitasi Shqiptar në ndihmë të refugjatëve. Flasin Petrika Lame dhe Jonida Spaho
R.SH. - Vatikan
Kisha Katolike sapo kremtoi Ditën Botërore të Migrantëve dhe të Refugjatëve, të cilën e ka themeluar që nga viti 1914. Në periudhën e pandemisë së koronavirusit, sidomos gjendja e refugjatëve, që ikin nga luftrat e konfliktet, është vështirësuar edhe më tej, pasi shtetet pritëse mbyllin kufijtë e nganjëherë, edhe zemrën. E ndërsa Evropa ndryshon Traktatin e Dublinit, duke pasur parasysh edhe shtetet më pak të gatshme të presin emigrantë, Shqipëria e vogël pret e përcjell refugjatë, të cilët, që nga viti 2015, kanë filluar të përdorin të ashtuquajturën “rrugë ballkanike” drejt vendeve evropiane.
Për këta të ikur nga lufta, si për shembull, sirianët, kujdeset edhe Karitasi Shqiptar, në bashkëpunim me Komisariatin e Lartë të OKB-së për Refugjatët. U ofron atyre një strehë, paketa ushqimore, veshmbathje dhe ilaçe, siç nënvizojnë, në mikrofonin tonë, koordinatorët e Karitasit në pikën e Kapshticës, në kufi me Greqinë, Petrika Lame dhe Jonida Spaho. T’i dëgjojmë…