Mos thuaj Mari!

R. SH. - Vatikan

Mos thuaj Mari,

nëse zemra nuk të mbushet

përplot me gëzim

kur dëgjon Fjalën e Zotit!

Mos thuaj: “Hirplote”

nëse nuk i kupton dhuratat

që t’i bën Zoja për ditë.

 “Bekuar je” mos thuaj

kur nuk e beson    

se mund të jetosh si shenjt!

Mos thuaj “Nëna e Tënzot”,

nëse nuk sillesh si bir…

E as “lutu për ne”,

nëse të afërmin tënd nuk e do!

Mos thuaj “mëkatnorë”

nëse shikon fijen e kashtës

në syrin e tjetrit,

po s’e sheh traun,

që e verbon syrin tënd!

Mos thuaj “mortje”

Nëse nuk e beson se pikërisht mortja,

është porta e jetës së re!