Jezus, çdo zemër të kërkon…
Çdo zemër e kërkon Zemrën e Krishtit. Ka etje për Jezusin, edhe pa e njohur. E dëshiron, edhe pa u kujtuar! Edhe atëhere kur Ai i troket tek porta, e porta nuk i hapet. Po Zoti vijon të trokasë….. Na e kujton çdo ditë këtë qershori, muaji kushtuar Zemrës së Krishtit, kur themi Rruzaren, që nis me fjalët: “O i Lumi Jezu Krisht zemërbutë e i përvujtë, ban që zemra ime t’i përngjasë Zemrës sate!”. E këtë na e kujton edhe lutja:
R. SH. - Vatikan
Jezus,
trokit, trokit te portat e zemrave tona!
Mos ik, nëse nuk do të hapen;
duro, nëse do të vonojmë!
Ti, që i njeh më mirë se ne vetë
zemrat tona - prit!
Trokit e mos ik
nëse porta mbetet e mbyllur…
Trokit, Jezus, trokit,
derisa zemrat të hapen
në dy kanatat.
Sepse nuk mund të mos hapen
për Ty, që u mbërtheve
për ne, në Kalvar, përmbi Kryq!
Trokit, trokit, trokit…
e atëhere zemra do të hapet
patjetër për Zemrën!
07 qershor 2020, 10:05