Maji i Zojës: “Në duart Tua…”.
Në duart Tua e të Birit tënd hyjnor, po e lë gjithë jetën time! Sot e përgjithmonë.
R. SH. - Vatikan
O Zoja ime, Virgjëra Mari, që sot e për çdo ditë,
deri në fill të mortjes sime,
po e vë korpin e shpirtin tim nën besë e roje tënde.
Po e mbështes mbi prehërin Tënd
kokën e lodhur nga jeta!
E në duart Tua po i lë gjithë shpresat e mia:
të gjitha ngushëllimet,
gjithë trishtimet,
gjithë lodhjen,
gjithë frikën nga të papriturat e jetës
që kapërthejnë botën
e hapin plagë të reja e varre të reja!
Po i lë në duar tua gjithë ditët e jetës
e të fundit të saj.
Në duart tua, çdo hap,
çdo mundim,
çdo veprim i jetës sime!
Gjithçka në duart tua e të Birit tënd hyjnor
Amen!
14 maj 2020, 09:11