Lutja e Gjon Palit II - Pajtores së Shqipërisë, më 25 prill 1993
R. SH. -Vatikan
O Zoja e Shkodrës, Pajtorja Qiellore e Shqipërisë dhe e shqiptarëve,
Nëna jonë e ëmbël,
që në zemër të rrjedh gjaku i popullit tënd:
silli sytë e tu mbi këtë Komb,
që pati fatin ta marrë mësimin e parë të Ungjillit
nga goja e Apostujve
e që Ty të nderoi përherë me dashuri të pastër bijnore.
Edhe sot, në errësirën e provës,
ky komb të drejtohet Ty plot shpresë
e pret ndihmën tënde amtare!
Ti, që i prin Kishës në shtegtimin e fesë,
silli sytë e tu mbi bijtë e bijat shqiptare
për udhë, të ngarkuar me prova e mundime!
Forco të ligshtit!
Ngushëllo të mjeruarit!
Mbaje të gjallë fenë në zemrën e të gjithëve!
Nënë e Shëlbuesit,
bekoji familjet e krishtera
thelb i Kishës së Birit tënd hyjnor!
Nënë e shpresës, shpejtoje ditën
në të cilën ky popull fisnik
do t’i shikojë të realizuara edhe një herë
të gjitha dëshirat e thella të shpirtit të tij.
Atëherë kur të gjithë, bij e bija,
do të kenë mundësi të bashkohen në harmoni të plotë
për të rindërtuar të ardhmen në drejtësi e në paqe! Amen.