Kisha katolike e Kosovës falënderon Shqipërinë pёr pritjen bujare mё 1999
R.SH. - Vatikan
Mirënjohje për pritjen e përzemërt të të dëbuarve gjatë luftёs sё vitit 1999. Kёshtu, Kisha dioqezane Prizren-Prishtinë shënoi 20-vjetorin e pritjes vëllazërore të Shqipërisë, kur, gjatë luftës së vitit 1999, rreth një milion shqiptarë, qytetarë tё Kosovës, u dëbuan dhunshëm nga vatrat e tyre.
Nuk mund të harrohet ajo kohё e ngarkuar me dhunë, me vdekje, me vuajtje të patregueshme të një mori njerëzish të pafajshëm, qytetarё tё dёbuar nga vatrat e tyre, persona që u detyruan të largohen nga atdheu, burra, tё moshuar, gra e fëmijë pa strehë mbi kokë, pa bukë e pa mbrojtje. Jetonin në kushte kritike, në një atmosferë ankthi, frike, e edhe dëshpërimi, për shkak të vështirësive shkaktuar nga lufta dhe të pasigurisë për të ardhmen.
Por, pastaj, nuk munguan edhe gjestet e shumta tё mirësisë, dashurisë, solidaritetit, pritjes e strehimit, që karakterizuan ditët e atij viti tё tmerrshëm e të paharrueshëm. Këto shenja vëllazërimi e dashurie nuk mund e as nuk duhet të lihen në harresë nga koha.
Kështu, Kisha katolike në Kosovës u shpreh njё falënderim me gjithë zemër atyre, që i mirëpriten, me bujari e përzemërsi, tё dëbuarit e luftës së vitit 1999. E akoma, kërkon të përforcohet pёrherё e më shumë paqja, të shërohen plagët që shkaktoi lufta, duke lënë la pas vetëm dhunë, vdekje e gërmadha. Për të qenë vërtet solidarë, duhen zhdukur shkaqet e urrejtjes dhe përforcuar vlerat autentike të një shoqërie vërtet demokratike.
Për tё kujtuar bujarinë vëllazërore shqiptare, Kisha dioqezane Prizren-Prishtinё, organizoi tё shtunën e kaluar, 18 janar, njё Akademi apo takim solemn, nё tё cilin morën pjesë autoritete tё larta shtetërore e fetare tё Shqipërisë e Kosovës, njerëz të kulturës dhe shumë besimtarë e qytetarë. Po mё hollёsisht nga Prishtina tё ndjekim shёrbimin e Rabie Ibrajt...