Kërko

Vatican News
 Kina kërcënohet nga koronavirusi Kina kërcënohet nga koronavirusi  (AFP or licensors)

Hong Kong: udhëzimet e Kishës për parandalimin e përhapjes së koronavirusit

Përballë emergjencës të epidemisë së koronavirusit në Kinën kontinentale, Kisha botoi disa udhëzime lidhur me masat e parandalimit e të mbrojtjes në tempujt e famullitë. Kardinali Tong u kërkon besimtarëve të bashkëpunojnë me qeverinë dhe me opinionin publik në luftën kundër epidemisë së re virale. Virusi ka shkaktuar deri tani më se 130 të vdekur e 6.000 të prekur nga sëmundja.

R. SH. - Vatikan

Komisioni i dioqezës së Hong Kongut për liturgjinë, pasi u këshillua me specialistët e sektorit mjekësor e si u njoh nga afër me masat e emergjencës, marrë nga qeveria, botoi dje vijat kryesore udhëheqëse për t’i bërë ballë epidemisë së koronavirusit. Në dokumentin e ri kërkohet thellimi i masave të botuara nga dioqeza më 23 janarin e kaluar, kur emergjenca nuk ishte deklaruar akoma. Qeveria e Hong Kongut, ku deri më sot janë regjistruar 8 raste të koronavirusit,  njoftoi dje se do t’i ndalojë rreptësisht udhëtimet nga Kina kontinentale, duke ndërprerë edhe shërbimin hekurudhor e duke e përgjysmuar atë ajror.

Ftesë për lutje e solidaritet

Dokumenti i Kishës së Hong Kongut nxit gjithë klerin, shërbyesit e liturgjisë dhe besimtarët t’i respektojnë rreptësisht masat, që synojnë mbrojtjen e së mirës së përbashkët e ta parandalojë, përsa është e mundur,  përhapjen e mëtejshme të epidemisë në bashkësitë famullitare  e lokale. Për këtë  qëllim, kryeipeshkvi i Hong Kongut, kardinali John Tong Hong, i nxit të gjithë besimtarët të bëjnë ç’është e mundur, duke u nisur nga lutja e nga praktimi i virtyteve të fesë, të shpresës e të dashurisë, për t’u bashkuar me qeverinë e me publikun, në luftën e përbashkët kundër virusit vdekjeprurës”.

29 janar 2020, 13:56