Kërko

Vatican News
New record of number of pilgrims in 'Camino de Santiago' (Way of Saint James) New record of number of pilgrims in 'Camino de Santiago' (Way of Saint James)  (ANSA)

Shenjtorët e javës 29 dhjetor – 5 janar

Kujtojmë se Viti 2019 numëron ditët, madje orët e fundit. Duke biseduar me ju, të dashur dëgjues, ndërmjet dy festave të mëdha të fundvitit, nuk mund të mos e mbyllim këtë faqe të parafundit të Kalendarit 2019, me urimin: “Për shumë vjet Krishtlindjen dhe Gëzuar Vitin e Ri!”

R.SH. - Vatikan

E diel më 29 dhjetor, Kisha katolike kremton Familja e Shenjtë. Familja e Marisë, Jezusit dhe Jozefit është modeli i familjes së krishterë. Familja e krishterë, kur e jeton dashurinë si bashkim e shërbim, si dhuratë reciproke, si bashkëpunim me të gjithë, përmes kthimit të vazhdueshëm në rrugën e Zotit, e ndihmuar nga Hiri Hyjnor, reflekton në botë shkëlqimin e Krishtit dhe bukurinë e Trinisë Hyjnore. Gjithnjё mё 29 dhjetor, kalendari kishtar pёrkujton shën Tomën Becket, ipeshkëv e martir. 

Të hёnёn më 30 dhjetor, kalendari kishtar pёrkujton shën Feliçin I, papë e shën Xhokondon. Kujtojmë se Viti 2019 numëron ditët, madje orët e fundit. Duke biseduar me ju, të dashur dëgjues, ndërmjet dy festave të mëdha të fundvitit, nuk mund të mos e mbyllim këtë faqe të parafundit të Kalendarit 2019, me urimin: “Për shumë vjet Krishtlindjen dhe Gëzuar Vitin e Ri!

Tё martën më 31 dhjetor, kalendari kishtar pёrkujton shën Silvestrit I, papë. Jetoi në periudhën ndërmjet fundit të përndjekjes së të krishterëve dhe fillimit të paqes kostandiniane. U bë ipeshkëv i Romës në vitin 314 dhe e drejtoi Kishën për njëzet vjet. Nën papnimin e tij u kremtua Koncili Ekumenik i Nicesë në vitin 325, organizoi jetën e Kishës së Romës dhe mbështeti ndërtimin e bazilikave të para. Vdiq në vitin 335 dhe varrimi bë më 31 dhjetor

 Mё 31 dhjetor bie nata e Vitit të Ri, e tё gjithё i këndojmë lavdi Zotit në qiell e galdojmë në tokë, duke e falёnderuar Hyjin e Gjithpushtetshëm, me anë të “Te Deum”-it pёr tё gjitha tё mirat. Po mё 31 Është festa liturgjike e.

Të mёrkurёn mё 1 janar, Solemniteti i Nënës së Zotit, është edhe Dita Botërore kushtuar Paqes. Maria e Shejtnueshme, Mbretëreshë e Paqes, është nëna e çdo njeriu që lind në Hyjin dhe Nëna e Kishës. Bashkë me Kishën Lindore e nderojmë si “Përherë Virgjër, të shpallur solemnisht Nënë e shejtnueshme e Hyjit nga Koncili i Efesit, me qëllim që Krishti të njihej, në kuptimin e vërtetë e të mirëfilltë, Biri i Hyjit dhe Biri i Njeriut”.

Të entjen më 2 janar, kalendari kishtar pёrkujton shën Bazilit të Madh e të shën Gregor Nazianxenit, ipeshkvij e dijetarë. Shën Bazili u lind në vitin 330 në Cezarenë e Kapadokisë nga prindër të shenjtë. Mori një edukatë letrare të thellë dhe jetoi me virtyt. Vendosi të përqafonte jetën heremitike, por në vitin 370 u bë ipeshkëv i qytetit të vet. Theksoi pa u lodhur temën e dashurisë, sidomos si angazhim për vëllezërit në nevojë. Luftoi kundër arianëve dhe shkroi vepra të shkëlqyeshme, veçanërisht rregullat murgare, që ndiqen edhe sot e kësaj dite nga shumë murgjër lindorë. Vdiq i varfër, siç edhe jetoi, në vitin 379.
Ndër miqtë e parë e më të çmueshëm të Shën Bazilit gjejmë Shën Gregorin e Naxianxit. E nxisnin njëri-tjetrin për të ushtruar virtytin e për të zgjeruar dijen. Edhe Gregori u lind në vitin 330, por jetoi më gjatë se Bazili. U shugurua prift e pastaj ipeshkëv i Kostantinopojës, por, për shkak të ndasive që e pllakosën kishën e tij, u tërhoq në Naxianx, ku ndërroi jetë në vitin 390.

Të premten mё 3 janarkremtojmë Emrin e Shenjtë të Jezusit. U nderua dhe lëvdua nga Kisha qysh në shekujt e parë, por vetëm në shekullin XIV u zhvillua kulti liturgjik. Shën Shën Bernardini, me ndihmën e vëllezërve të vet, e përhapi shumë këtë devocion, që më në fund u bë festë liturgjike. Në vitin 1530 Papa Klementi VII e autorizoi urdhrin françeskan të recitonte Shërbesën e Emrit të Shenjtë të Jezusit. Gjon Pali II e vendosi edhe një herë këtë festë më 3 janar në Kalendarin Romak.

Të shtunёn mё 4 janar,  kalendari kishtar pёrkujton shën Anxhelën nga Folinjo, 1248-1309. Përjetoi disa herë çaste mistike dhe iu përkushtua veprimtarisë apostolike, sidomos ndihmës ndaj të gërbulurve. Pasi i vdiqën e bashkëshorti dhe fëmijët, u dha të varfërve gjithçka pati dhe hyri Urdhrin e Tretë Françeskan. Falë shkrimeve të saj të thella, është quajtur “mjeshtre e teologjisë.

Të dielën e ardhshme më 5 janar, Kisha katolike do tё kremtojё tё Dielёn e dytё pas Krishtlindjes. Gjithnjё mё 5 janar, kalendari kishtar pёrkujton shёn Eduardin, mbret të Anglisë, e shën Gjonin Njuman, ipeshkëv të Filadelfisë.

29 dhjetor 2019, 17:48