Vatican - Canonization Mass of five new Saints

KISHA

Për mua të jetoj është Krishti

Meditim nga John Henry Newman: Më prij, Ti, dritë e fisme/ mes territ që më rrethon, / më prij!/ E errët është nata e shtëpia, larg,/ të lutem prap, më prij!/ Forcomi këmbët, që më dridhen./ S’kërkoj këtë çast horizonte,/ një hap tani më mjafton.

R. SH. - Vatikan

Fillimisht anglikan, John Henry Newman ishte eksponenti i asaj rryme brenda Kishës Anglikane, që kërkoi gjithnjë e më shumë afrimin me katolicizmin. Një nga animatorët e Lëvizjes anglo-katolike të Oksfordit, u kthye në katolicizëm, duke arritur të krijohej edhe kardinal nga Papa Leoni XIII. Me bindjen e tij se laikët duhet të merrnin pjesë aktive në jetën e Kishës, i dha, në mungesë, një kontribut të shquar teologjik e filozofik Koncilit II të Vatikanit.

Nga shumë studiues, John Henry Newman, konsiderohet një nga prozatorët më të mëdhenj anglezë, mbrojtës e apologjet i besimit katolik në Britaninë e Madhe e një nga më të rëndësishmit në historinë e krishterimit. Në planin filozofik kontribuoi në zhvillimin e filozofisë së veprimit. Për tolerancën dhe butësinë, që e karakterizonin, u vlerësua shumë edhe në ambientet jo katolike.

Kardinali Newman deshi të bëhej katolik për të qenë deri në fund të fundit anglikan, siç kujton nё një fjali të tij: “unë kam një mision - shkruante - jam një hallkë e një vargu, një pikë lidhëse ndërmjet njerëzve. Ai nuk më ka krijuar për asgjë. Do të bëjë mirë, do ta kryejë veprën e tij; do të jam engjëll i paqes, predikatar i së vërtetës mu në vendim tim....nëse e bëjë këtë do t’i bindem urdhërimeve të Tij e do ti shërbejë në thirrjen time”.
Karakteristika e shërbimit në të cilin Newman qe thirrur solli aplikimin e intelektit të tij të mprehtë e shkrimet e tij të shumta kushtuar ‘problemeve më urgjente të ditës’. Intuitat e tij mbi marrëdhënien ndërmjet fesë e arsyes, mbi hapësirën jetike të fesë së dëftuar në shoqërinë e qytetëruar, e mbi nevojën e edukimit të mbështetur mbi vlera të vërteta e vizione largpamëse, qenë të një rëndësie themelore jo vetëm për Anglinë fitimtare, por vazhdojnë ende sot të frymëzojnë e shndrisin shumë njerëz në mbarë botën.

Ja një tekst nga lutja 'Më prij, Ti, dritë e fisme', e John Henry Newman

Më prij, o dritë e fisme!

Kur shkel ndër lugje të verbëra

shtegun ma hap…

Desha ta zgjedh pa Ty,

kur zemra qe ndarë më dysh:

më dysh në mes dy shtigjesh,

më dysh mes dy dëshirash…

Po tash pushteti yt

më priftë gjithnjë përpara!

Më priftë mes kënetash,

më priftë mes krepash,