Imzot Frendo: faleminderit, Bari i një Kishe, që mjekon plagët
R. SH. - Vatikan
Edhe nga Shqipëria niset një falënderim i ngrohtë “për Papën, bari i një Kishe, që i shkurton distancat, është pranë ngjarjeve e njerëzve, kombeve e popujve. Papë, që mishërohet në historinë e tyre, gjunjëzohet për t’i mjekuar e për t’ua fashuar plagët. E që di t’i mjekojë edhe të metat e veta njerëzore”. Këtë thekson kryetari i Konferencës Ipeshkvnore të Shqipërisë, imzot George Frendo, në një mesazh urimi drejtuar Papës Françesku me rastin e 50-vjetorit të shugurimit të tij meshtarak. “Kisha, që është në Shqipëri - vijon imzot Frendo - merr pjesë në lutjen tuaj të lavdërimit e të falënderimit drejtuar sot Zotit”.
“Dëshmia Juaj, Mësimet Tuaja, fjalët dhe gjestet, që na dhuroni, janë histori, e cila bëhet jetë” - thekson akoma kryeipeshkvi i Tiranës, duke e falënderuar përsëri Papën sepse “në një botë, ku fryn fort era e indiferencës, vijon të propozojë bukurinë dhe lodhjen e një “po”-je, që është bashkim me Zotin e dhurim i plotë i vetvetes”.
Por, ta dëgjojmë urimin e imzot Frendos, në mikrofonin e Elidon Dodajt nga Tirana.....