Don Leonardo Falco: Seminari i Shkodrës me histori e mision të veçantë për Kishën në Shqipëri
R.SH. - Vatikan
Viti shkollor dhe ai i formimit të të rinjve që sapo përfundoi, pranë Seminarit ndërdioqezan të Shkodrës “Zoja Këshillit Mirë”, në të cilin një numër të rinjsh ka ndërmarr udhën drejt meshtarisë e jetës së përkushtuar rregulltare. Kujtojmë se sivjet u festua njëzet vjetori i ndërtesës së re të Seminarit në Shkodër, i cili si institucion ka një histori të lashtë e të lavdishme që filloi më 1859, dhe një mision e kontribut të jashtëzakonshëm për Kishën katolike, për mbarë Shqipërinë dhe popullin shqiptar. Mjafton të kujtojmë të Lumët Atë Daniel Dajani e Atë Giovanni Fausti e shumë figura tjera të ndritura të këtij Institucioni të rëndësishëm të Kishës katolike në Shqipëri.
Gjatë formimit të seminaristëve, Kisha u krijon kushtet të rinjve për t’i perceptuar me qartësi të veçantë përmasat universale të Kishës dhe dëshirën që Ungjilli i Krishtit të arrijë në të katër anët e rruzullimit, duke hapur shtigje të reja e duke pushtuar zemra të reja njerëzish e popujsh. Pra, në Seminarin e Shkodrës , seminaristët i kanë të gjitha mundësitë për të hapur horizonte të reja, me një frymëmarrje ndërkombëtare, universale.
Siç dihet formimi i meshtarit kërkon ndershmëri, përkryerje, ushtrim asketik, qëndrueshmëri e besnikëri heroike, në të gjitha aspektet. Ky është misioni i një Seminari. E në bazë të këtij formimi, është edhe jeta e thellë shpirtërore, e frymëzuar nga lidhja e ngushtë me Zotin, në nivelin personal e në atë të bashkësisë, me një vëmendje të veçantë ndaj kremtimeve liturgjike e ndjekjes së vazhdueshme të sakramenteve.
Nuk duhet harruar se jeta meshtarake kërkon një ecje të përhershme në rrugën e shenjtërisë. E, për t’i shërbyer sa më mirë Kishës, meshtarët kanë nevojë edhe për një formim serioz njerëzor, kulturor e shpirtëror. Prej këndej, Seminari por edhe secili duhet të punojë shumë për krijimin e kulturës personale, fryt i studimit të pasionuar e të vazhdueshëm. Feja, ka një përmasë racionale dhe intelektuale, që është themelore për çdo meshtar. Po t’i kthehemi këtij viti shkollor, pranë Seminarit ndërdioqezan të Shkodrës, që sapo ka përfunduar e mbi ecurinë e këtij viti shkollor dhe frytet e formimit, flasim me Rektorin e Seminarit të Shkodrës, dom Leonardo Falco, në mikrofonin e redaksisë shqipe të Radio Vatikanit, ta dëgjojmë....
Ky vit ishte një vit i pasur, u festua njëzet vjetori i ndërtesës së re të Seminarit e ishin edhe disa persona të rëndësishëm për vizitë si p.sh Kard. Wong, Atë A. Cencini, etj. Nga ana akademike profesorët u angazhuan për të plotësuar orët ashtu siç e kërkon Ratio Fundamentalis (dokumenti ri që Kisha ka përgatitur). Po ashtu edhe studentët u angazhuan, kush më shumë e kush më pak, e mund të themi se rezultati i përgjithshëm është pozitiv.
Sa i përket anës formuese jemi të kënaqur, ngaqë anëtarët e vitit propedeutik (vit fillestarë në Seminarë ) u angazhuan mjaft. Kemi pasur 5 student në studimet e teologjisë (faza dishepullore) e 8 përngjasues që studiuan teologjinë, ndërsa 3 ishin ata që mbaruan studimet teologjike dhe që përgatiteshin për shugurimin diakonal. Prej këtyre të fundit, Pashk Ndoj (dioqeza e Lezhës) me datën 29/06/2019 do të shugurohet diakon e pastaj më 8 gusht Samuell Ramaj (dioqeza Prizren-Prishtinë).
Seminari i Shkodrës është një vend me histori të veçantë për Kishën në Shqipëri. Një vend qëndrese e martirizimi, një vend që sfidon me shembullin e tij ata që janë aty të pranishëm e më gjerë . Një sfidë për formimin e personave, që të jenë meshtarë sa më të mirë e sa më të denjë, sikurse ishte Atë Daniel Dajani (rektor) e sikurse Atë Giovanni Fausti (zv. rektor), që dëshmuan me jetë dashurinë ndaj Krishtit si dhe besnikërinë ndaj Kishës .
Dikur bashkë me Seminarë ishte edhe kolegji Xaverian, që kishte qëllim më të gjerë formimi drejtuar ndaj të gjithë të rinjve. Ishte shkollë e mesme, që sot quhet “Atë Pjetër Meshkalla” dhe është nën udhë heqjen e etërve Jezuit, ndërsa seminari iu është besuar Konferencës ipeshkëvnore të Shqipërisë. “Atë Pjetër Meshkalla” ka një nivel mjaft të lartë , me rëndësi për Shkodrën dhe më gjerë , për një formim Integral dhe edukatë shoqërore për të rinjtë që të jenë shpresa e vendit.
Janë disa faktorë , që sa i përket të ardhmes, po ndikojnë në zvogëlimin e numë rit të thirrjeve të shenjta, e në fakt vitin tjetër pritet po i njëjti numër me këtë vit, në mos më i vogël. Faktorë t kryesorë janë kë ta dy: situata e pashpresë në vend, e cila i nxitë të rinjtë që të shkojnë jashtë shtetit; pra mungon materia prima, d.m.th. numri i lindjeve në familje nuk është më siç ishte dikur. Shpeshherë, deri në momentin e fundit, s’kemi asnjë të ri, por Zoti nuk e braktisë kurrë Kishën e vet, për këtë duhet të jemi të bindur.