Të rinjtë shqiptarë në Ditën Botërore të Rinisë në Panama
R.SH. - Vatikan
Entuziazmi dhe hareja e të rinjve shqiptarë në takimin me Papën, në Ditën Botërore të Rinisë 2019, në Panama. Nga Shqipëria dhe Mali i Zi merr pjesë një grup rinor, së bashku me shoqëruesit kishtarë.
Dëshmia nga Antoneta Gjokaj
Antoneta Gjokaj, njëra nga të rinjtë e kryedioqezës së Tivarit, flet për entuziazmin që mbretëron në DBR-së në Panama, ku ndodhet së bashku me të rinjtë nga Shqipëria dhe me qindra mijëra të tjerë nga mbarë bota. Antoneta Gjokaj ndalet posaçërisht te fjalët e paharrueshme dhe tek inkurajimi i Papës, në ceremoninë e hapjes. Ati i Shenjtë i porositi të ecin pas Krishtit e të mbështeten gjithmonë në Fjalët e Tij jetësore e shpresëdhënëse.
Ndërsa shkonin në mbrëmësoren e kremtuar së bashku me Papën Françesku, në fushën, që mban emrin e shën Gjon Palit II, në kryeqytetin e Panamasë, të rinjtë nga Shqipëria morën në dorë celularin dhe regjistruan për dëgjuesit tanë, dëshmitë e tyre. Le të dëgjojmë së bashku Florianin nga zona e Shkodrës, Jonën nga Tirana dhe Saimirën nga Elbasani, duke iu kërkuar falje për zhurmën, që ndihet, ndërsa të rinjtë ecnin rrugës me makina…