Maria Nëna e Hyjit
R. SH. - Vatikan
Festa e Marisë Nëna e Hyjit kremtohet në Tetëditshin e Krishtlindjes, dhe njëkohësisht bie në fillimin e vitit qytetar. Kjo ditë është po ashtu edhe Dita e Paqes e njohur si Dita Botërore e Paqes. Që nga shekulli i shtatë ishte e zakonshme të festoj kjo festë si Natale sanctae Mariae, por jo si ditëlindja e Marisë. Në vitin 1969 kisha përcaktoi këtë festë edhe në kalendar, duke shëmbëllyer kështu adetin e vjetër burimor romak, atë bizantin, si edhe atë të Sirisë Lindore dhe Perëndimore.
Kisha dëshironte që pas festës së Lindjes së Jezusit Shëlbuesit të botës, të nderonte edhe nënën e tij. Kjo festë na bën me dije për fështesinë e një gruaje e cila e lindi Birin e Hyjit. Kisha e parë jetonte prej kësaj feste para se ta shpallte Koncili i Efezit (431) Marinë si nënë të Hyjit. Marinë si nënë të hyjit e pranojnë edhe kishat simotra, kisha ordodokse dhe evangjeliste.
Edhe urtia teologjike e nderon me pietet të madh të qenët nënë të Marisë. Teoligu spanioll, duke interpretuar thëniet e marisë sipas ungjillit të Lukës, thekson: “Shpirti Shenjt i dha marisë zotësinë të bëhet nënë dhe e shndërroi të qenët nënë të saj në të qenët nënë hyjnor”. Prandaj, është tejet i qëlluar edhe mendimi se “ne nuk e festojmë vetëm lindjen e Jezusit nga nëna, por vetë fshehtësinë e të qenët nënë dhe, bashkë me të edhe dinjitetin e gruas” (Anselm Grün).
O Mari, nënë e Hyjit,
nën mburojen tënde qofshin të gjitha nënat,
që me padurim presin
t’i shohin foshnjat e veta
dhe t’i rrisin me kujdes të madh amënor!
Ti e shenjtërove dhe e hyjnizove
të qenët grua,
bëj që hiret
të cilat i marrin të gjitha gratë
nëpërmjet ndërmjetësisë sate,
t’u jenë atyre mall i veçantë
për të qenë nënë.
Ruaje dinjitetin e gruas të cilin e shenjtërove
me lindjen e Shëlbuesit
dhe bëhu për të gjitha gratë
shkollë e dashurisë ndaj fëmijëve
dhe familjes.
Ti, që hyjlindëse je,
rilinde gjithmonë rishtas
në zemrat tona:
Jezusin Zot e Njeri!
Amen!