Lutje: O Zot, s’jam ende gati!
R.SH. - Vatikan
Për kohёn e Ardhjes
O Zot!
S’jam ende gati për të bërë mirë,
e duhet të bëj mirë.
S’jam ende gati për të kuptuar
Nevojat e të tjerëve.
S’jam gati ta ndajë
Atë që kam, me ke s’ ka gjë prej gjëje.
S’jam gati as
Vendin t’ia lëshoj në autobus,
Një plaku këputë në këmbë.
Gati nuk jam për të mos e shpërdoruar,
Gjënë e bashkësisë.
O Zot!
Jam për të ardhur keq: gaboj në gjithçka.
Sot, në këtë kohë të Ardhjes,
Më shkund, o Zot, më shkund fort
Që gjumi të më dalë
E të kuptoj se s’duhet ta pres gjithçka prej të tjerëve
Duarkryq, pa bërë gjithçka që mundem
Për të mirën e gjithkujt!
Nuk dua më në asnjë mënyrë
Të jem njeri
Që rron për të mbytur kohën,
Me zemrën zhytur në kotësi
Që njerëzit i lodhë me mërzitjen e tij!
Nё kёtё periudhë Kisha na kujton se koha liturgjike e Ardhjes, qё paparin e përgatit lindjen e Jezu Krishtit, është për çdonjërin rast i volitshëm për të ripërtërirë në zemrën e vet dëshirën për ta takuar Zotin që vjen për të na ofruar shpëtimin e amshuar.
