Shën Nënë Tereza: Gjithçka ké të mirë, epja botës
R.SH. - Vatikan
“Jep ç’ke më të mirë!”, është krijim i shkëputur nga autobiografia e Nënë Terezës, hartuar duke lidhur së bashku poetikisht disa fraza të shkruara mbi murin e Shishu Bhava – shtëpia e fëmijëve - themeluar nga Nënë Tereza:
Njeriu është i pacipë,
Për vete mendon kudo.
Po ti duhet ta duash,
Edhe pse ai s’të do!
Po bëre mirë – të qortojnë,
Të thonë hir e pa hir
Se do të kënaqësh veten:
S’ka gjë, ti prap bëj mirë!
N’se planet synon t’realizosh,
Do të gjesh armiq të vërtetë;
S’ka gjë – ti rrugën vazhdo
E planet vëri në jetë!
E mira bie shpejt në harresë;
S’ka gjë – ti prap bëj mirë!
Thjeshtësia të bën të brishtë,
Po t’bën edhe të lirë!
Në një ças të vetëm shembet,
Çka ti ndërtove një jetë.
S’ka gjë – vazhdo – ndërto;
Diçka sigurisht do të mbetë!
Njerëzinë po e ndihmove,
Do t’ thotë ç’t’i vijë për goje
S’ka gjë, ti mos u tremb,
Prap duaje e ndihmoje!
Gjithçka ke të mirë, jepja botës.
E di, do të të shkelin nën thembër:
S’ka gjë, ti prap jepja botës,
Gjithçka ke të bukur në zemër!