Versioni Beta

Cerca

VaticanNews
Cuore Immacolato della Beata Vergine Maria Cuore Immacolato della Beata Vergine Maria 

Kisha katolike kremton festën e Zemrës së Zojës

Menjëherë pas Zemrës së Krishtit, Kisha katolike kremton festën e Zemrës së Papërlyer të Marisë. Por, si lindi ky kult? Nismëtari i tij ishte shën Gjoni Eudes , i cili nisi ta kremtonte që në vitin 1643 me rregulltarët e Kongregatës së tij. Më 1944, Papa Piu XII e shtriu kremtimin në mbarë Kishën.

R. SH. - Vatikan

Kisha katolike kremton sot  festën e Zemrës së Zojës, e Gruas që e mëson çdo të krishterë ta ndjekë në heshtje Zotin e ta ruajë në zemër të vet gjithçka Jezusi bën ditë për ditë për të e për të gjithë njerëzit.

Po si lindi kulti i Zemrës së Zojës? Menjëherë pas Zemrës së Krishtit, Kisha katolike kremton festën e Zemrës së Papërlyer të Marisë. Por, si lindi ky kult? Nismëtari i tij ishte shën Gjoni Eudes (1601-1680), i cili nisi ta kremtonte që në vitin 1643 me rregulltarët e Kongregatës së tij.

Në vitin 1668 festa dhe tekstet e saj liturgjike, u miratuan nga kardinali legat për gjithë Francën, ndërsa Roma refuzoi disa herë ta konfirmonte festën. Vetëm pasi nisi të kremtohej festa e Zemrës së Krishtit, në vitin 1765, u lejua të kremtohej aty-këtu edhe festa e Zemrës së Zojës.

Më 1944, Papa Piu XII e shtriu kremtimin në mbarë Kishën, për kujtim të përhershëm të ditës kur, nën papninë e tij, më 1942, ia kushtoi mbarë botën Zemrës së Papërlyer të Zojës. Ky kult pati një nxitje të fuqishme posaçërisht pas dukjeve të Fatimës, më 1917, kur Zoja kërkoi shprehimisht që Rusia t’i kushtohej Zemrës së Saj të Papërlyer, zë qiellor, ende i pa dëgjuar.

09 qershor 2018, 12:00